Last Modified ചൊവ്വ, 6 സെപ്റ്റംബര് 2016 (17:16 IST)
മോഹന്‍ലാലിന്‍റെ ‘ഒപ്പം’, പൃഥ്വിരാജിന്‍റെ ‘ഊഴം’, ദിലീപിന്‍റെ വെല്‍കം ടു സെന്‍‌ട്രല്‍ ജയില്‍ തുടങ്ങിയ വമ്പന്‍ ചിത്രങ്ങള്‍ ഓണത്തിന് പ്രദര്‍ശനശാലകളെ നിറയ്ക്കാന്‍ എത്തുണ്ട്. എന്നാല്‍ ഇവയ്ക്കൊപ്പം തമിഴ് ചിത്രമായ ‘ഇരുമുഖന്’ കൂടി വരുന്നുണ്ട് എന്നത് വിക്രം ആരാധകരെയും തമിഴ് സിനിമാ പ്രേമികളെയും ആവേശഭരിതരാക്കുന്നു.
സെപ്റ്റംബര് എട്ടിന് പ്രദര്‍ശനത്തിനെത്തുന്ന ഇരുമുഖന് ഒരു സയന്‍സ് ഫിക്ഷന്‍ ആക്ഷന്‍ ത്രില്ലറാണ്. വിക്രം ഡബിള്‍ റോളില്‍ എത്തുന്ന ചിത്രത്തില്‍ നയന്‍‌താരയാണ് നായിക. ഷിബു തമീന്‍സ് നിര്‍മ്മിക്കുന്ന സിനിമ ആനന്ദ് ശങ്കര്‍ സംവിധാനം ചെയ്യുന്നു..
ആനന്ദ് ശങ്കറിന്‍റെ രണ്ടാമത്തെ സിനിമയാണ് ഇരുമുഖന്. ആദ്യ ചിത്രമായ അരിമനമ്പി വന്‍ ഹിറ്റായിരുന്നു. ഹാരിസ് ജയരാജാണ് ഇരുമുഖന്‍റെ സംഗീതം.
യു/എ സര്‍ട്ടിഫിക്കേറ്റാണ് സെന്‍സര്‍ ബോര്‍ഡ് ഇരുമുഖന് നല്‍കിയിരിക്കുന്നത്. 150 മിനിറ്റാണ് ചിത്രത്തിന്‍റെ ദൈര്‍ഘ്യം. ആര്‍ ഡി രാജശേഖറാണ് ഛായാഗ്രഹണം.
അഖിലന്‍ എന്ന റോ ഏജന്‍റായും ലവ് എന്ന വില്ലനായുമാണ് വിക്രം അഭിനയിക്കുന്നത്. നയന്‍സ് ആദ്യമായാണ് വിക്രമിന് നായികയാകുന്നത്.
നിത്യ മേനോന്‍, നാസര്‍, തമ്പി രാമയ്യ തുടങ്ങിയവരും അഭിനയിക്കുന്നു.
