തിങ്കളാഴ്ച നിശ്ചയം സോണി ലിവിലൂടെ സ്ട്രീമിംഗ് തുടരുകയാണ്. സിനിമ ആദ്യം തന്നെ കണ്ട ശേഷം ജയസൂര്യ ഫോണില്‍ നേരിട്ട് വിളിച്ച് ടീമിനെ അഭിനന്ദിച്ചിരുന്നു. ഒരു കിടിലന്‍ സിനിമ കണ്ടു കഴിഞ്ഞിരിക്കുന്നുവെന്നാണ് 'ദ ഗ്രേറ്റ് ഇന്ത്യന്‍ കിച്ചണ്‍' സംവിധായകന്‍ ജിയോ ബേബി പറഞ്ഞത്.

'കഴിഞ്ഞ ദിവസം ഒരു അഭിമുഖത്തില്‍ എന്നോട് ചോദിച്ചു സിനിമ എങ്ങനെ മാറണമെന്നാണ് ആഗ്രഹിക്കുന്നത്? ഞാന്‍ പറഞ്ഞു സിനിമയുടെ കണ്ടന്റിന്റെ പേരില്‍ പ്രേക്ഷര്‍ ഏറ്റുടുക്കുന്ന, കണ്ടന്റിന്റെ പേരില്‍ സിനിമ വില്‍ക്കാന്‍ സാധിക്കുന്ന രീതിയിലേക്ക് സിനിമ മാറണം എന്നാണ് ആഗ്രഹിക്കുന്നത്.

ഇതാ അങ്ങനെ ഒരു കിടിലന്‍ സിനിമ കണ്ടു കഴിഞ്ഞിരിക്കുന്നു... ആകെ വല്ലാത്ത മാനസിക അവസ്ഥയില്‍ ആണ് കാണാന്‍ ഇരുന്നത്...ഈ സിനിമ എന്നേ നല്ല മാനസികാവസ്ഥയില്‍ എത്തിച്ചിരിക്കുന്നു നന്ദി സെന്ന ഹെഗ്ഡെ'- ജിയോ ബേബി കുറിച്ചു.

ഹെന്ന ഹെഗ്ഡെയാണ് ചിത്രം സംവിധാനം ചെയ്യുന്ന സിനിമയില്‍ ഒരു കൂട്ടം പുതുമുഖങ്ങളാണ് പ്രധാന വേഷത്തിലെത്തുന്നത്. ഉണ്ണിരാജ് ചെറുവത്തൂര്‍, രാജേഷ് മാധവന്‍, സാജിന്‍ ചെറുകയില്‍, മനോജ് കെ യു, രഞ്ജി കാങ്കോള്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.

സംസ്ഥാന ചലച്ചിത്ര അവാര്‍ഡില്‍ മികച്ച രണ്ടാമത്തെ സിനിമയ്ക്കും, മികച്ച കഥയ്ക്കുമുള്ള പുരസ്‌കാരങ്ങള്‍ ചിത്രം നേടിയിരുന്നു.