'ശാകുന്തളം' റിലീസുമായി ബന്ധപ്പെട്ട തിരക്കുകളില്‍ ആണ് സാമന്ത. ആരോഗ്യ പരമായ കാരണങ്ങളാല്‍ നടി തന്റെ കരിയറില്‍ നിന്ന് ചെറിയ ഇടവേള എടുത്തിരുന്നു.വളരെ സാവധാനത്തിലാണ് താന്‍ സുഖം പ്രാപിക്കുന്നതെന്നും എന്നാല്‍ തന്റെ ജോലിയെക്കുറിച്ചും കരിയറിനെക്കുറിച്ചുമുള്ള ചിന്തയാണ് തന്നെ മുന്നോട്ട് നയിച്ചതെന്നും സാമന്ത പറഞ്ഞു.

കഴിഞ്ഞ രണ്ട് മാസങ്ങളായി ജീവിതം എത്ര കഠിനമാണെന്ന് താന്‍ പഠിച്ചു വരികയാണെന്നും ബുദ്ധിമുട്ടുകള്‍ എങ്ങനെ മനസ്സിലാക്കിയെന്നും നടി പറയുന്നു.

താന്‍ മടങ്ങിവരുന്നതിനായി ക്ഷമയോടെ കാത്തിരിക്കുകയും തനിക്ക് ആവശ്യമായ എല്ലാ പിന്തുണയും നല്‍കുകയും ചെയ്ത തനിക്ക് ഒപ്പം പ്രവര്‍ത്തിച്ച സംവിധായകനോടും അഭിനേതാക്കളോടും നടി നന്ദി പറഞ്ഞു.