കെ ആര്‍ അനൂപ്|
Last Modified ചൊവ്വ, 29 ഓഗസ്റ്റ് 2023 (11:54 IST)
ഷെയിന്‍ നിഗം, ശ്രീനാഥ് ഭാസി എന്നീ നടന്മാര്‍ക്കെതിരെ ഏര്‍പ്പെടുത്തിയ വിലക്ക് നീക്കി നിര്‍മ്മാതാക്കളുടെ സംഘടന. രണ്ട് സിനിമകളില്‍ അഭിനയിക്കാനായി അധികം വാങ്ങിയ പണം തിരികെ നല്‍കാന്‍ ഷെയിന്‍ തയ്യാറാക്കുകയും ശ്രീനാഥ് ഭാസി ക്ഷമാപണം നടത്തുകയും ചെയ്തതോടെയാണ് അപ്രഖ്യാപിത വിലക്ക് നീങ്ങിയത്.
ഈ രണ്ടു നടന്മാരോടും സഹകരിക്കില്ലെന്ന് കഴിഞ്ഞ ഏപ്രില്‍ മാസത്തില്‍ ആയിരുന്നു നിര്‍മ്മാതാക്കളുടെ സംഘടനയുടെ ഭാഗത്തുനിന്ന് വിലക്ക് വന്നത്. നിര്‍മ്മാതാക്കളുടെ സംഘടനയില്‍ ഉള്‍പ്പെടുന്ന അംഗങ്ങള്‍ നിര്‍മ്മിക്കുന്ന ചിത്രങ്ങളില്‍ ശ്രീനാഥ് ഷെയിന്‍ എന്നിവരെ സഹകരിപ്പിക്കില്ല എന്നായിരുന്നു തീരുമാനം.
ഫെഫ്ക, നിര്‍മ്മാതാക്കളുടെ സംഘടന, താര സംഘടന അമ്മ എന്നീ സംഘടനകള്‍ സംയുക്തമായി നടത്തിയ പത്രസമ്മേളനത്തിലായിരുന്നു താരങ്ങള്‍ക്ക് വിലക്ക് ഏര്‍പ്പെടുത്തിയത്. വിലക്കിന് പകരം സഹകരിക്കില്ലെന്നാണ് അവര്‍ സംഘടനകള്‍ പറഞ്ഞത്.
