'അജുവിന് ഈ സിനിമയില്‍ റോളില്ല'; ഗുരുവായൂരമ്പല നടയില്‍ കാത്തുവെച്ച സര്‍പ്രൈസ് ഇതാണ്
ചിത്രത്തിലെ ഒരു സര്‍പ്രൈസ് അണിയറ പ്രവര്‍ത്തകര്‍ പുറത്തുവിട്ടിരിക്കുകയാണ്
രേണുക വേണു|
Last Modified ശനി, 4 മെയ് 2024 (10:56 IST)
Aju Varghese - Guruvayoorambala Nadayil
പൃഥ്വിരാജ് സുകുമാരന്‍, ബേസില്‍ ജോസഫ് എന്നിവരെ കേന്ദ്ര കഥാപാത്രങ്ങളാക്കി വിപിന്‍ ദാസ് സംവിധാനം ചെയ്യുന്ന ഗുരുവായൂരമ്പല നടയില്‍ റിലീസിനൊരുങ്ങുന്നു. മേയ് 16 നാണ് ചിത്രം വേള്‍ഡ് വൈഡായി റിലീസ് ചെയ്യുക. പൃഥ്വിരാജ് പ്രൊഡക്ഷന്‍സിന്റേയും ഇ ഫോര്‍ എന്റര്‍ടെയ്ന്‍മെന്റിന്റെയും ബാനറില്‍ സുപ്രിയ മേനോന്‍, മുകേഷ് ആര്‍ മേത്ത, സി.വി.ശരത്തി എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്.
ചിത്രത്തിലെ ഒരു സര്‍പ്രൈസ് അണിയറ പ്രവര്‍ത്തകര്‍ പുറത്തുവിട്ടിരിക്കുകയാണ്. നടന്‍ അജു വര്‍ഗീസ് ഈ സിനിമയില്‍ ഒരു ഗാനം ആലപിച്ചിട്ടുണ്ട്. 'കൃഷ്ണ കൃഷ്ണ കൃഷ്ണ രാധ കാമുകാ' എന്ന് ആരംഭിക്കുന്ന സോളോ ഗാനമാണ് അജു വര്‍ഗീസ് ആലപിച്ചിരിക്കുന്നത്. മേയ് അഞ്ച് രാവിലെ 11 ന് ഗാനം പുറത്തിറക്കും.
ജയ ജയ ജയ ജയ ഹേ എന്ന സൂപ്പര്‍ഹിറ്റ് ചിത്രത്തിനു ശേഷം വിപിന്‍ ദാസ് സംവിധാനം ചെയ്യുന്ന ഈ സിനിമയില്‍ അനശ്വര രാജന്‍, നിഖില വിമല്‍, യോഗി ബാബു, സിജു സണ്ണി, ജഗദീഷ് എന്നിവരും ശ്രദ്ധേയമായ വേഷങ്ങള്‍ അവതരിപ്പിക്കുന്നു. ദിപു പ്രദീപിന്റേതാണ് കഥ. ക്യാമറ നീരജ് രവി.
