ഹേമന്ത് കര്‍ക്കറെയായി സുരേഷ്ഗോപി

PRO

മുംബൈ ഭീകരാക്രമണത്തില്‍ കൊല്ലപ്പെട്ട ഭീകരവിരുദ്ധ സ്ക്വാഡ് തലവന്‍ ഹേമന്ത് കര്‍ക്കറെയെ അനുസ്മരിപ്പിക്കുന്ന കഥാപാത്രമായി സുരേഷ്ഗോപി അഭിനയിക്കുന്നു. ബി ഉണ്ണികൃഷ്ണന്‍ സംവിധാനം ചെയ്യുന്ന ‘ഐ ജി’ എന്ന ചിത്രത്തിലാണ് സുരേഷ്ഗോപിയുടെ ഈ ഭാവപ്പകര്‍ച്ച. തീവ്രവാദവും അതിനെതിരായ പോരാട്ടവുമാണ് ഈ ചിത്രത്തിന്‍റെ പ്രമേയം.

കേരളത്തില്‍ തീവ്രവാദം വേരുറപ്പിക്കുന്നതായി അടുത്തിടെ വന്ന റിപ്പോര്‍ട്ടുകളുടെ പശ്ചാത്തലത്തിലാണ് ‘ഐ ജി’ കഥ പറയുന്നത്. കേരളത്തിലെ യുവാക്കളെ പാകിസ്ഥാനിലെ തീവ്രവാദ സംഘടനകള്‍ പരിശീലിപ്പിക്കുകയും ഭീകരപ്രവര്‍ത്തനത്തിനായി ഉപയോഗിക്കുകയും ചെയ്യുന്നു. ഇത് നേരിടാനായി ആന്‍റി ടെററിസ്റ്റ് സ്ക്വാഡ് തലവന്‍ ഗംഗാപ്രസാദ് എത്തുന്നു. തുടര്‍ന്നുണ്ടാകുന്ന സംഘര്‍ഷഭരിതമായ മുഹൂര്‍ത്തങ്ങളാണ് ഐ ജിയിലൂടെ ബി ഉണ്ണികൃഷ്ണന്‍ പറയുന്നത്.

സ്മാര്‍ട്ട് സിറ്റി, മാടമ്പി എന്നീ ചിത്രങ്ങള്‍ക്ക് ശേഷം ഉണ്ണികൃഷ്ണന്‍ സംവിധാനം ചെയ്യുന്ന ഈ ചിത്രം മഹിയാണ് നിര്‍മ്മിക്കുന്നത്. സുരേഷ്ഗോപിയെ നായകനാക്കി ഉണ്ണികൃഷ്ണന്‍ സംവിധാനം ചെയ്ത സ്മാര്‍ട്ട് സിറ്റി ഒരു പരാജയ ചിത്രമായിരുന്നു. സുരേഷ്ഗോപിക്ക് ഒരു സൂപ്പര്‍ഹിറ്റ് നല്‍കുക എന്നതാണ് ഐ ജിയിലൂടെ ഉണ്ണികൃഷ്ണന്‍ ലക്‍ഷ്യമിടുന്നത്.

WEBDUNIA|

ദേവന്‍, ജഗതി, വിജയരാഘവന്‍, രാജന്‍ പി ദേവ്, ഗോവിന്ദ് പത്മസൂര്യ, ആശിഷ് വിദ്യാര്‍ത്ഥി തുടങ്ങിയവരാണ് ചിത്രത്തിലെ താരങ്ങള്‍. ഷാം ദത്താണ് ക്യാമറ.

ഇതിനെക്കുറിച്ച് കൂടുതല്‍ വായിക്കുക :

സുരേഷ്ഗോപി കര്ക്കറെ ഐ ജി ഉണ്ണികൃഷ്ണന് മാടമ്പി സ്മാര്ട്ട് സിറ്റി