ലാല്‍ പത്മകുമാര്‍ ചിത്രത്തില്‍

PTI

പത്മകുമാറിന്‍റെ അടുത്ത ചിത്രത്തില്‍ മോഹന്‍ലാല്‍ പ്രധാന കഥാപാത്രത്തെ അവതരിപ്പിക്കും.

മികച്ച മുഖ്യധാര സിനിമകള്‍ സംവിധാനം ചെയ്‌തെങ്കിലും ബോക്‌സ്‌ ഓഫീസ്‌ വിജയങ്ങള്‍ സൃഷ്ടിക്കാന്‍ ഇതുവരെ പത്മകുമാറിന്‌ കഴിഞ്ഞിട്ടില്ല.

മമ്മൂട്ടിയെ നായകനാക്കി പത്മകുമാര്‍ ഒരുക്കിയ ‘പരുന്ത്‌’ പ്രതീക്ഷിച്ച വിജയം ഉണ്ടാക്കിയിരുന്നില്ല. അതേ സമയം തന്നെ ഇറങ്ങിയ മോഹന്‍ലാല്‍ ചിത്രം ‘മാടമ്പി’ നേട്ടമുണ്ടാക്കുകയും ചെയ്‌തിരുന്നു.

പത്മകുമാറിന്‍റെ അടുത്ത സംരംഭത്തില്‍ വ്യത്യസ്‌തമായ കഥാപാത്രത്തെയാണ്‌ ലാല്‍ അവതരിപ്പിക്കുന്നത്‌. ജയന്‍ ശിവപുരം ആണ്‌ തിരക്കഥ ഒരുക്കുന്നത്‌.

മേനോന്‍ എന്ന കഥാപാത്രത്തെയാണ്‌ ചി‌ത്രത്തില്‍ ലാല്‍ അവതരിപ്പിക്കുക. മലയാളിയുടെ എക്കാലത്തേയും മികച്ച എഴുത്തുകാരായ വൈക്കം മുഹമ്മദ്‌ ബഷീറിന്‍റേയും വി കെ എന്നിന്‍റേയും വ്യക്തിത്വങ്ങളുടെ സമ്മിശ്രഭാവമാണ്‌ മേനോന്‍ എന്നാണ്‌ അണിയറ പ്രവര്‍ത്തകര്‍ അവകാശപ്പെടുന്നത്‌.

WEBDUNIA|

ടെക്‌നോ സിനിമയുടെ ബാനറില്‍ രാജഗോപാല്‍ ആണ്‌ സിനിമ നിര്‍മ്മിക്കുന്നത്‌

ഇതിനെക്കുറിച്ച് കൂടുതല്‍ വായിക്കുക :

ലാല് പത്മകുമാര് ചിത്രത്തില് ലാല് മോഹന്ലാല് ബോക്സ് ഓഫീസ് മമ്മൂട്ടി ‘പരുന്ത്’ മോഹന്ലാല്