മലയാള സിനിമയുടെ ബോക്സോഫീസ് ചരിത്രം പരിശോധിച്ചാല്‍ അതില്‍ മിന്നിത്തിളങ്ങുന്ന മഹാവിജയങ്ങളുടെ അധികം വലിപ്പമില്ലാത്ത ഒരു നിരയുണ്ട്. സൂപ്പര്‍താരങ്ങളുടെ മുതല്‍ പുതുമുഖങ്ങളുടെ വരെ ചരിത്രവിജയങ്ങളായ സിനിമകളുടെ നിര. ചെറിയ ഹിറ്റോ സൂപ്പര്‍ഹിറ്റോ ഒന്നുമല്ല, ഇരുന്നൂറും മുന്നൂറും ദിനങ്ങള്‍ തിയേറ്ററുകളില്‍ തകര്‍ത്തോടിയ അപൂര്‍വ വിജയങ്ങളുടെ കാര്യമാണ് പറഞ്ഞുവരുന്നത്.
അതില്‍ ചെറുതല്ലാത്ത ഒരു പങ്ക് മെഗാസ്റ്റാര്‍ മമ്മൂട്ടിയുടേതാണ്. മമ്മൂട്ടിയുടെ തകര്‍പ്പന്‍ ഹിറ്റുകളുടെ പട്ടിക പരിശോധിച്ചാല്‍ അവയെല്ലാം മലയാളികള്‍ ഇന്നും നൊസ്റ്റാള്‍ജിയയോടെ ഓര്‍ക്കുന്ന ഗംഭീര സിനിമകളാണെന്ന് കാണാം. ആ സിനിമകളാണ് മമ്മൂട്ടി എന്ന താരവിഗ്രഹത്തെ സൃഷ്ടിച്ചത്.
