അനുബന്ധ വാര്ത്തകള്
- അന്ന് മോഹൻലാലിനു വേണ്ടി എത്തി, ഇന്ന് ജയസൂര്യക്ക് വേണ്ടിയും!
- ഡ്യൂഡിനെ കുറിച്ച് ഇതുവരെ ആരും പറയാത്ത കഥ!
- 'നല്ല പടമായിരുന്നു, പക്ഷേ വൃത്തികെട്ട ടൈറ്റിലായി പോയി' - മമ്മൂട്ടി ജയസൂര്യയോട് പറഞ്ഞു
- മാസ്റ്റർപീസിനെ വെല്ലും വിജയം! ഷാജി പാപ്പനും പിള്ളേരും ജൈത്രയാത്ര തുടരുന്നു...
- പലരുടേയും കാലുപിടിച്ചാണ് തിയേറ്റര് കിട്ടിയത്, അവരെല്ലാം എനിക്ക് ഭ്രാന്താണെന്ന് പറഞ്ഞു; വിജയ് ബാബു പറയുന്നു
ജയസൂര്യ സൂപ്പര്സ്റ്റാര്, പുണ്യാളനും ആടും മെഗാഹിറ്റ്; പ്രതിഫലം 1.5 കോടിയിലേക്ക്
മലയാള സിനിമയില് ഒരു പുതിയ സൂപ്പര്താരം ജനിച്ച വര്ഷമായിരുന്നു 2017. ജയസൂര്യയാണ് ആ സൂപ്പര്സ്റ്റാര്. രണ്ട് തകര്പ്പന് ഹിറ്റുകളാണ് ജയസൂര്യയുടെ താരമൂല്യം കുത്തനെ ഉയര്ത്തിയത്.
പുണ്യാളന് പ്രൈവറ്റ് ലിമിറ്റഡ്, ആട് 2 എന്നീ സിനിമകള് മെഗാഹിറ്റായി മാറുകയായിരുന്നു. അഞ്ചരക്കോടി രൂപയ്ക്കാണ് പുണ്യാളന് നിര്മ്മിച്ചത്. സംവിധായകനായ രഞ്ജിത് ശങ്കറും ജയസൂര്യയും ചേര്ന്നായിരുന്നു നിര്മ്മാണം.
ചിത്രം ഇതുവരെ 20 കോടി രൂപയോളം കളക്ഷന് നേടിയതായാണ് വിവരം. ചിത്രത്തിന്റെ ഓവര്സീസ് അവകാശം നാലുകോടി രൂപയ്ക്ക് മുകളില് വില്പ്പന നടന്നതായും അറിയുന്നു.
2017 ക്രിസ്മസ് റിലീസായി എത്തിയ ആട് 2 ബോക്സോഫീസ് കളക്ഷന് റെക്കോര്ഡുകള് തകര്ക്കുകയാണ്. മിഥുന് മാനുവല് തോമസ് സംവിധാനം ചെയ്ത ചിത്രം നിര്മ്മിച്ചത് വിജയ് ബാബു ആണ്. ഏഴേകാല് കോടി രൂപ മുടക്കി നിര്മ്മിച്ച ചിത്രം ഒരാഴ്ച കൊണ്ട് ഒമ്പത് കോടി കളക്ഷന് നേടി. സാറ്റലൈറ്റ് അവകാശം വിറ്റിട്ടില്ല.
ഇതോടെ മലയാള സിനിമയിലെ അടുത്ത സൂപ്പര്താരമായി ജയസൂര്യ മാറുകയാണ്. നിലവില് 75 ലക്ഷം രൂപ മുതല് ഒരു കോടി രൂപ വരെയാണ് ജയസൂര്യയുടെ പ്രതിഫലമെന്നാണ് റിപ്പോര്ട്ടുകള്. ഇത് ഒന്നരക്കോടി രൂപ വരെയായി വര്ദ്ധിക്കുമെന്നാണ് സൂചന.
