കിദാര്‍ ശര്‍മ്മയുടെ ക്ലാപ് ബോയ് ആയി പതിനൊന്നാം വയസ്സില്‍ - 1935 ല്‍ - ഇങ്ക്വിലാബ് എന്ന ചിത്രത്തിനു വേണ്ടിയാണ് ആദ്യം സിനിമാ രംഗത്തെത്തിയത്. ചെറിയ വേഷങ്ങളില്‍ അഭിനയിച്ച ശേഷം 1947 ലാണ് നീല്‍ കമല്‍ എന്ന ചിത്രത്തില്‍ മധുബാലയുടെ നായകനായി രാജ് കപൂര്‍ നായക വേഷത്തിലെത്തിയത്.
1948 ല്‍ ഇരുപത്തിനാലാം വയസ്സില്‍ അദ്ദേഹം ആര്‍.കെ.ഫിലിംസ് എന്ന പേരില്‍ സ്വന്തം സ്റ്റുഡിയോ മുംബൈയില്‍ ആരംഭിച്ചു. അക്കാലത്തെ ഏറ്റവും പ്രായം കുറഞ്ഞ സംവിധായകനുമായിരുന്നു. ആഗ് ആയിരുന്നു അദ്ദേഹത്തിന്‍റെ ആദ്യത്തെ സിനിമ. നര്‍ഗ്ഗീസായിരുന്നു അതിലെ നായിക.
അന്താസ്സില്‍ അദ്ദേഹം വീണ്ടും നര്‍ഗ്ഗീസിന്‍റെ നായകനായി. ബര്‍സാത്, ആവാര, ശ്രീ 420, ചോരി ചോരി, ജിസ് ദേശ് മേം ഗംഗാ ബെഹ്‌തീ ഹൈ തുടങ്ങിയ സിനിമകള്‍ അദ്ദേഹം നിര്‍മ്മിച്ചു.
ഹിന്ദിയിലെ ആദ്യത്തെ വര്‍ണ്ണ ചിത്രമായ സര്‍ഗ്ഗം 1964 ലാണ് അദ്ദേഹം നിര്‍മ്മിച്ച് അഭിനയിച്ചത്. 1970 ല്‍ അദ്ദേഹം നിര്‍മ്മിച്ച മേരാ നാം ജോക്കര്‍ ആറ് കൊല്ലത്തെ തപസ്യയുടെ ഫലമായിരുന്നു. പത്മിനിയായിരുന്നു നായിക. തെന്നിന്ത്യന്‍ നായികയായ വൈജയന്തിമാലയും രാജ് കപൂറിന്‍റെ നായികമാരില്‍ ഒരാളായിരുന്നു.
