WEBDUNIA|
Last Modified വെള്ളി, 22 ജൂണ്‍ 2007 (15:41 IST)
കാലിക്കറ്റ് സര്‍വകലാശാലയില്‍ നിരവധി കോഴ്‌സുകളിലേക്ക്‌ അപേക്ഷ ക്ഷണിച്ചു. സര്‍വകലാശാല ഇന്‍സ്റ്റിറ്റിയൂട്ട്‌ ഓഫ്‌ എന്‍ജിനീയറിങ്‌ ടെക്‌നോളജിയില്‍ മാനേജ്‌മെന്‍റ് സീറ്റുകളിലെ പ്രവേശനത്തിനാണ്‌ അപേക്ഷ ക്ഷണിച്ചിരിക്കുന്നത്‌.
പ്രിന്‍റിംഗ് ടെക്‌നോളജിക്ക്‌ 15സീറ്റാണുള്ളത്‌. അതേ സമയം മറ്റുള്ള കോഴ്‌സുകള്‍ക്ക്‌ 30 സീറ്റുമാണ്‌.
കേരള, കുസാറ്റ്‌, അഖിലേന്ത്യാ എന്‍ജിനീയറിംഗ്‌ എന്നിവയിലെ പ്രവേശന പരീക്ഷയിലെ മികവിന്‍റെ അടിസ്ഥാനത്തിലാണ്‌ പ്രവേശനം ലഭിക്കുക. അതേ സമയം കേരളാ എന്‍ട്രന്‍സിന്‌ പ്രഥമപരിഗണനയുണ്ടാകും.
അപേക്ഷാ ഫോറത്തിന്‍റെ (നേരിട്ട്‌) വില 500 രൂപാ. എന്നാല്‍ എസ്‌.സി., എസ്‌.റ്റി വിഭാഗത്തില്‍ പെട്ടവര്‍ക്ക്‌ അപേക്ഷാ ഫീസ്‌ 100 രൂപാ മാത്രമാണ്‌.
അപേക്ഷാ ഫോറം തപാലില്‍ ലഭിക്കാന്‍ 540 രൂപയുടെ ചെലാന്‍/ഡിഡി സഹിതം അപേക്ഷ അയയ്ക്കുക. കൂടുതല്‍ വിവരങ്ങള്‍ക്ക്‌ 0494 - 2400223 എന്ന ടെലിഫോണ്‍ നമ്പരില്‍ ബന്ധപ്പെടുക.
