1. വാര്‍ത്താലോകം
  2. ധനകാര്യം
  3. വാണിജ്യ വാര്‍ത്ത
  4. Kerala's own electric Auto Rickshaw launch soon

കേരളത്തിന്റെ സ്വന്തം ഇലക്ട്രോണിക് ഓട്ടോറിക്ഷകൾ ഉടൻ വിപണിയിലെത്തും !

വാർത്ത
ഡീസലിന്റെയും പെട്രോളിന്റെയും വില വർധനവ് ബാധിക്കുന്ന ഒരു കൂട്ടരാണ് ഓട്ടോറിക്ഷ തൊഴിലാളികൾ. എന്നാൽ. ആ പരാതിക്ക് ഒരു പരിഹാരം കണ്ടെത്തിയിരികുകയാണ് പൊതുമേഖലാ സ്ഥാപനായാമായ കേരളാ ഓട്ടോമൊബൈൽസ് ലിമിറ്റഡ്. ഇനി കേരളത്തിന്റെ നിരത്തുകളെ കീഴടക്കുക ഇലക്ട്രോണിക് ഓട്ടോറിക്ഷകളാകും. 
 
വ്യാവസായിക അടിസ്ഥാനത്തിൽ ഇലക്ട്രോനിക് ഓട്ടോറിക്ഷക്കള്ള് നിർമ്മിക്കാ കേന്ദ്ര അനുമതി ലഭിച്ചു. പുനെയിലെ ഓട്ടോമോട്ടീവ് റിസര്‍ച്ച്‌ അസോസിയേഷന്‍ ഓഫ് ഇന്ത്യയുടെ അംഗികാരം ലഭിച്ചതോടെയാണ് വ്യാവസായിക അടിസ്ഥാനത്തിൽ ഇലക്ട്രോണിക് ഓട്ടോറിക്ഷകൾ നിർമ്മിക്കാനുള്ള കേന്ദ്രാനുമതി ലഭിച്ചത്. ഇതാദ്യമായാണ് ഒരു പൊതുമേഖല സ്ഥാപനത്തിന് ഇലക്ട്രോണിക് ഓട്ടോറിക്ഷകൾ നിർമ്മിക്കാനുള്ള അനുമതി ലഭിക്കുന്നത്.
 
കേരള നീം ജി എന്ന ബ്രാൻഡിലാണ് ഇലക്ട്രോണിക് ഓട്ടോറിക്ഷകൾ വിപണിയിൽ എത്തുക. ഒറ്റ ചാർജിൽ 120 കിലോമീറ്റർ വരെ ഓടാൻ ഈ ഓട്ടോറിക്ഷക്കാവും. ഒരു കിലോമീറ്റർ സഞ്ചരിക്കുന്നതിന് വെറും 50 പൈസ മാത്രമേ ഇതിന് ചിലവ് വരുന്നുള്ളു എന്നതാണ് ഏറ്റവും വലിയ പ്രത്യേകത. പരമാവധി 55 കിലോമീറ്റർ വേഗതയിൽ മാത്രമേ വാഹനം ഓടിക്കാനാകു. 2.10 ലക്ഷം രൂപയാണ് ഓട്ടോറിക്ഷയുടെ വിപണിവില കണക്കാക്കപ്പെടുന്നത്. ഇതിൽ 30000 രൂപ സർക്കാർ സബ്സിഡി നൽകും. 
 
സർക്കാരിന്റെ പുതിയ നയത്തിന്റെ ഭാഗമായി കൊച്ചി, കോഴിക്കോട്, തിരുവന്തപുരം എന്നീ നഗരങ്ങളിൽ ഇനി ഇലക്ട്രോണിക് ഓട്ടോറിക്ഷകൾക്ക് മാത്രമേ അനുമതി ഉണ്ടാകു എന്ന് നേരത്തെ തന്നെ വ്യക്തമാക്കിയിരുന്നു. ഇത് കമ്പനിക്ക് കൂടുതൽ ഗുണകരമാകും എന്നാണ് കെ എ എൽ കണക്കാക്കുന്നത്.
അടുത്ത ലേഖനം
ട്രെയിന്‍ തട്ടാതിരിക്കാൻ പാലത്തിൽ നിന്ന് പുഴയിലേക്ക് ചാടിയയാൾ മരിച്ചു