പ്രവാചകൻ ഇന്ന് ജീവിച്ചിരുന്നെങ്കിൽ, ലോകമെങ്ങുമുള്ള മുസ്‌ലിം മതഭ്രാന്തന്മാരുടെ ഭ്രാന്ത് കണ്ട് ഞെട്ടിയേനെ, നൂപുർ ശർമ വിഷയത്തിൽ തസ്‌ലീമ നസ്രീൻ

അഭിറാം മനോഹർ| Last Modified ശനി, 11 ജൂണ്‍ 2022 (13:16 IST)
ബിജെപി വക്താവായിരുന്ന നൂപുർ ശർമയുടെ പ്രവാചക നിന്ദാ പരാമർശത്തിൽ പ്രതികരണവുമായി എഴുത്തുകാരി തസ്ലീമ നസ്രിൻ. ഇന്ന് മുഹമ്മദ് നബി ജീവിച്ചിരുന്നുവെങ്കിൽ ലോകമെമ്പാടുമുള്ള മുസ്‌ലിം മതഭ്രാന്തന്മാരുടെ ഭ്രാന്ത് കണ്ട് ഞെട്ടിയേനെ എന്നാണ് തസ്ലീമ നസ്‌റിന്റെ ട്വീറ്റ്.

നൂപുർ ശർമയെ അറസ്റ്റ് ചെയ്യണമെന്ന് ആവശ്യപ്പെട്ട് ഡൽഹി,ഉത്തർപ്രദേശ്,ബംഗാൾ,ജാർഖണ്ഡ് എന്നിവയുൾപ്പെടെ സംസ്ഥാനങ്ങളിൽ വലിയ തോതിൽ പ്രതിഷേധങ്ങൾ നടക്കുന്നതിനിടെയാണ് തസ്ലീമയുടെ പരാമർശം. ഇന്ത്യയുടെ അയൽരാജ്യമായ ബംഗ്ളാദേശിലും ആയിരക്കണക്കിന് ആളുകളാണ് നൂപുർ ശർമയുടെ പരാമർശത്തിനെതിരെ പ്രതിഷേധവുമായി തെരുവിലിറങ്ങിയത്.

ബംഗ്ലാദേശിലെ പ്രതിഷേധക്കാർ ഇന്ത്യൻ സർക്കാരിനും പ്രധാനമന്ത്രി നരേന്ദ്ര മോദിക്കുമെതിരെ മുദ്രാവാക്യങ്ങൾ ഉയർത്തി. ജൂൺ 16 ന് ഇന്ത്യൻ എംബസി ഘെരാവോ ചെയ്യുമെന്നും പ്രതിഷേധക്കാർ അറിയിച്ചു.



ഇതിനെക്കുറിച്ച് കൂടുതല്‍ വായിക്കുക :