പ്രധാനമന്ത്രി നരേന്ദ്രമോദിയ്ക്കെതിരെ രൂക്ഷ വിമര്‍ശനവുമായി കോൺഗ്രസ്​ ഉപാധ്യക്ഷൻ രാഹുൽ ഗാന്ധി. ഗൂഗിളിൽ തിരയാനും കുളിമുറിയിൽ ഒളിഞ്ഞ്​ നോക്കാനും മാത്രമേ മോദിയ്ക്ക് സമയമുള്ളൂ. കഴിഞ്ഞ വർഷങ്ങളിലെ മോദിയുടെ ഭരണം സമ്പൂര്‍ണ്ണ പരാജയമായിരുന്നുവെന്നും മുൻ പ്രധാനമന്ത്രി മൻമോഹൻ സിങ്ങിനെതിരായ മോദിയുടെ മഴക്കോട്ട്​ പരാമർശത്തിന്​ മറുപടി പറയവെ രാഹുൽ പറഞ്ഞു.

വികസനത്തെ കുറിച്ച്​ സംസാരിക്കാൻ പ്രധാനമന്ത്രിയ്ക്ക്​ സമയമില്ല. രാജ്യത്തെ യഥാർഥ പ്രശ്​നങ്ങളിൽ നിന്ന്​ ശ്രദ്ധ തിരിക്കാനുള്ള ശ്രമമാണ്​ അദ്ദേഹം നടത്തുന്നത് തൊഴിലില്ലായ്​മ, സുരക്ഷ തുടങ്ങിയ വിഷയങ്ങളെ കുറിച്ച്​ സംസാരിക്കാൻ മോദി തയ്യാറാവുന്നില്ലെന്നും ഉത്തർപ്രദേശ്​ മുഖ്യമന്ത്രി അഖിലേഷ്​ യാദവുമൊത്ത്​ യു.പിയുടെ വികസനത്തിനായുള്ള പൊതുമിനിമം പരിപാടിയില്‍ സംസാരിക്കവെ രാഹുൽ കുറ്റപ്പെടുത്തി.