പറ്റ്‌ന|
Last Modified ശനി, 19 സെപ്‌റ്റംബര്‍ 2015 (18:44 IST)
ബിഹാറില്‍ കോണ്‍ഗ്രസ് ഉപാധ്യക്ഷന്‍ രാഹുല്‍ഗാന്ധിയുടെ
റാലിക്കിടെ എയര്‍ഗണ്ണുമായി എത്തിയ ആള്‍ പൊലീസ് പിടിയിലായി. റാലി നടക്കുന്ന വേദിക്കരികിലെ ഗേറ്റിനടുത്ത് പൊലീസ് നടത്തിയ പരിശോധനയ്ക്കിടെയാണ് ഇയാള്‍ പൊലീസിന്റെ പിടിയിലായത്. ഇയാളുടെ ബാഗും പൊലീസ് പിടിച്ചെടുത്തു.
ബിഹാര്‍ നിയമസഭ തെരഞ്ഞെടുപ്പ് നടക്കുന്ന പശ്ചാത്തലത്തിലാണ്
രാഹുല്‍ ഗാന്ധിയുടെ തെരഞ്ഞെടുപ്പ് റാലി. റാലിയില്‍ ആര്‍ജെഡി നേതാവ് ലാലു പ്രസാദ് യാദവും മുഖ്യമന്ത്രി നിതീഷ് കുമാറും റാലിയില്‍ പങ്കെടുത്തില്ല.
ആര്‍ജെഡി നേതാവ് ലാലു പ്രസാദ് യാദവ് റാലിയില്‍ പങ്കെടുക്കില്ലെങ്കിലും
ലാലുവിന് പകരം,അദ്ദേഹത്തിന്റെ മകന്‍
തേജസ്വിനി യാദവ് റാലിയില്‍ പങ്കെടുത്തു. നേപ്പാള്‍ അതിര്‍ത്തിയോട് ചേര്‍ന്ന് നില്‍ക്കുന്ന പശ്ചിമ ചെമ്പാരന്‍ ജില്ലയില്‍ റാലിക്കായി വന്‍ ഒരുക്കങ്ങളാണ് നടത്തിയിരുന്നത്.
