അനുബന്ധ വാര്ത്തകള്
- ഇത് നീ തന്നെയാണോ? വണ്ടറടിച്ച് ശിവകാർത്തികേയൻ: ജിംഖാന ടീമിന്റെ വീഡിയോ വൈറലാകുന്നു
- കരുവന്നൂര് കേസ്: കെ രാധാകൃഷ്ണന് എംപി ഇഡിക്കു മുന്നില് ഹാജരായി
- മാലിന്യം വലിച്ചെറിയുന്ന ദൃശ്യം പകര്ത്തി അയച്ചാല് 2,500 രൂപ; പാരിതോഷികം വര്ധിപ്പിക്കാന് ആലോചന
- ബസൂക്ക പ്രമോഷനിലൊന്നും മമ്മൂട്ടിയില്ല, ചികിത്സ കഴിഞ്ഞു വിശ്രമത്തിലെന്ന് ബാദുഷ
- കവിളുകൾ ഒട്ടി, തീരെ മെലിഞ്ഞ്; കരൺ ജോഹറിന് ഇതെന്ത് പറ്റി?
സിംഗപ്പൂരില് സ്കൂളിലുണ്ടായ തീപിടുത്തം: ആന്ധ്രപ്രദേശ് ഉപമുഖ്യമന്ത്രിയും നടനുമായ പവന് കല്യാണിന്റെ മകന് പൊള്ളലേറ്റു
മകന് മാര്ക്ക് ശങ്കര് പവനോവിചിനാണ് പൊള്ളലേറ്റത്.
സിംഗപ്പൂരില് സ്കൂളിലുണ്ടായ തീപിടുത്തത്തില് ആന്ധ്രപ്രദേശ് ഉപമുഖ്യമന്ത്രിയും നടനുമായ പവന് കല്യാണിന്റെ മകന് പൊള്ളലേറ്റു. മകന് മാര്ക്ക് ശങ്കര് പവനോവിചിനാണ് പൊള്ളലേറ്റത്. കുട്ടിയുടെ കാലിനും കൈക്കുമാണ് പൊള്ളലേറ്റത്. ഏഴ് വയസാണ് മാര്ക്കിന്റെ പ്രായം. ആന്ധ്രയിലെ രാഷ്ട്രീയ പരിപാടികള് റെദ്ദാക്കി പവന് കല്യാണ് ഉടന് തന്നെ സിംഗപ്പൂരിലേക്ക് തിരിക്കുമെന്നാണ് വിവരം.
സിംഗപ്പൂര് സിവില് ഡിഫന്സ് ഫോഴ്സിന്റെ വാര്ത്ത കുറിപ്പ് പ്രകാരം തീപിടുത്തത്തില് 19 പേര്ക്ക് പൊള്ളലേറ്റെന്നാണ് അറിയാന് കഴിഞ്ഞത്. ഇവരില് 15 പേര് കുട്ടികളാണ്. മുതിര്ന്ന നാലുപേര്ക്കും പൊള്ളലേറ്റു. 80 പേരെ വിവിധ ആശുപത്രികളിലായി പ്രവേശിച്ചിട്ടുണ്ടെന്ന് സിംഗപ്പൂര് സിവില് ഡിഫന്സ് ഫോഴ്സ് അറിയിച്ചു.
സിംഗപ്പൂരിലെ 278 വാലി റോഡ് എന്ന വിലാസത്തിലുള്ള ഷോപ്പ് ഹൗസിലാണ് തീപിടുത്തം ഉണ്ടായത്. പവന് കല്യാണിന്റെ ഭാര്യ ലേഴ്നേവക്ക് മകന് മാര്ക്കിനൊപ്പം സിംഗപ്പൂരിലാണ് താമസം. കുട്ടിയുടെ ആരോഗ്യനില തൃപ്തികരമാണെന്നാണ് വിവരം.
