Last Modified ബുധന്‍, 20 മാര്‍ച്ച് 2019 (13:13 IST)
ആലപ്പുഴയില്‍ ആരിഫ് തോറ്റാല്‍ തല മൊട്ടയടിക്കുമെന്ന് പറഞ്ഞത് രസത്തിനെന്ന് വെള്ളാപ്പള്ളി നടേശന്‍. മൊട്ടയടിക്കാന്‍ തന്റെ തലയില്‍ എന്തെങ്കിലും വേണ്ടേയെന്നും വെള്ളാപ്പള്ളി ചോദിച്ചു.
”ആലപ്പുഴയില്‍ ആരിഫ് തോറ്റാല്‍ തല മൊട്ടയടിക്കുമെന്ന് പറഞ്ഞത് രസത്തിനാണ്. ഒന്നാമതേ എന്റെ തലയില്‍ മൊട്ടയടിക്കാന്‍ ഒന്നുമില്ല. ആ ധൈര്യത്തിലാണ് ഞാന്‍ പറഞ്ഞത്. നിങ്ങള്‍ അത് വാര്‍ത്തയാക്കി. അതൊരു രസത്തിന് പറഞ്ഞെന്നേയുള്ളൂ. അതിന്റെ അപ്പുറത്ത് ഒന്നും ഇല്ല.- വെള്ളാപ്പള്ളി പറഞ്ഞു.
ചാലക്കുടിയിലെ എൽഡിഎഫ് സ്ഥാനാർത്ഥി ഇന്നസെന്റ് സന്ദർശിക്കാനെത്തിയപ്പോളായിരുന്നു മാധ്യമങ്ങളോട് വെളളാപ്പളളിയുടെ പ്രതികരണം.
