വോട്ടെണ്ണൽ ചുമതലയുമായി ഇന്നലെ രാത്രിയിൽ നഗരത്തിലെ ലോഡ്ജിൽ തങ്ങാനെത്തിയ സിപിഐ ജില്ലാ നിർവാഹകസമിതി അംഗവും ചമ്പക്കുളം മുൻ പഞ്ചായത്ത് പ്രസിഡന്റുമായ കെഡി മോഹനൻ കുഴഞ്ഞുവീണു മരിച്ചു. 72 വയസ്സായിരുന്നു. ഇന്നലെ രാത്രി പത്തരയോടെയാണ് സംഭവം.

സിപിഐയുടെ കർഷകതൊഴിലാളി സംഘടനയായ ബികെഎംയു സംസ്ഥാന വൈസ്‌പ്രസിഡന്റും ജില്ലാ പ്രസിഡന്റുമാണ്. എഐടിയുസി ജില്ലാ വൈസ് പ്രസിഡന്റ്.ചുമട്ട് തൊഴിലാളി യൂണിയൻ ജില്ലാ സെക്രട്ടറി തുടങ്ങിയ നിലകളിലും പ്രവർത്തിച്ചു‌വരികയായിരുന്നു.