അനുബന്ധ വാര്ത്തകള്
- വരുമാനം 2034 മുതല് ലഭിക്കും; വിഴിഞ്ഞം അനുബന്ധ കരാറില് ഒപ്പിട്ടു
- ഇരുട്ടായാല് ബൈക്കില് കറക്കം, സ്ത്രീകളെ ഉപദ്രവിക്കുന്നത് പ്രധാന ഹോബി; തൃശൂരില് യുവാവ് പിടിയില്
- ക്ഷേമ പെൻഷനിൽ കൈയിട്ട് വാരിയവർക്കെതിരെ നടപടിയുണ്ടാകും, പേര് വിവരങ്ങൾ പുറത്തുവിടില്ലെന്ന് മന്ത്രി
- Sabarimala News: ശബരിമല വിശേഷം: ഇരുമുടിക്കെട്ടിലെ അരി കൊടുത്താല് പായസവും വെള്ള നിവേദ്യവും കിട്ടും
- എല്ലാ വിദ്യാര്ഥികളേയും ഉള്ക്കൊള്ളുന്നതാകണം പഠനയാത്രകള്: വിദ്യാഭ്യാസമന്ത്രി
സംസ്ഥാനത്ത് അംഗീകാരമില്ലാത്ത 827 വിദ്യാഭ്യാസ സ്ഥാപനങ്ങള്
പഠനയാത്രയ്ക്ക് പണം ഇല്ല എന്ന കാരണത്താല് സ്കൂളിലെ ഒരു കുട്ടിയെപ്പോലും യാത്രയില് ഉള്പ്പെടുത്താതിരിക്കാന് പാടുള്ളതല്ല
സംസ്ഥാനത്തെ അംഗീകാരമില്ലാത്ത സ്കൂളുകളുടെ കണക്കെടുപ്പ് പൂര്ത്തിയായതായി പൊതുവിദ്യാഭ്യാസ വകുപ്പ് മന്ത്രി വി.ശിവന്കുട്ടി. പ്രാഥമിക വിവരമനുസരിച്ച് 827 അംഗീകാരമില്ലാത്ത സ്ഥാപനങ്ങളുണ്ടെന്നാണ് കണ്ടെത്തല്. ഇക്കാര്യത്തിലെ അടുത്ത ഘട്ട നടപടികള് ഉടനെന്നും മന്ത്രി അറിയിച്ചു.
ഇതുമായി ബന്ധപ്പെട്ട കാര്യങ്ങള് ചര്ച്ച ചെയ്യുന്നതിന് മുഖ്യമന്ത്രി യോഗം വിളിച്ചു ചേര്ത്തിട്ടുണ്ട്. സ്കൂളുകളുടെ പട്ടികയും ലഭ്യമായ വിവരങ്ങളും മുഖ്യമന്ത്രിക്ക് കൈമാറുമെന്നും മന്ത്രി വ്യക്തമാക്കി.
ക്ലാസ് മുറികളില് ബോഡി ഷെയ്മിംഗ് അടക്കം വിദ്യാര്ത്ഥികളുടെ ശാരീരികവും മാനസികവുമായ അവസ്ഥയെ പ്രതികൂലമായി ബാധിക്കുന്ന പ്രവര്ത്തനങ്ങള് അധ്യാപകരില് നിന്നോ സ്കൂള് അധികാരികളില് നിന്നോ ഉണ്ടാകാന് പാടില്ല. അതുപോലെതന്നെ, വിദ്യാര്ഥികളില് നിന്ന് ഈടാക്കുന്ന വാഹന വാടക ഉള്പ്പെടെയുള്ള ഫീസ് സംബന്ധിച്ച ആവശ്യങ്ങള് ക്ലാസ്മുറികളില് മറ്റ് കുട്ടികളുടെ സാന്നിധ്യത്തില് അധ്യാപകരോ സ്കൂള് അധികൃതരോ വിദ്യാര്ത്ഥികളോട് ചോദിക്കരുത്. ഇപ്പോള് എല്ലാ രക്ഷിതാക്കള്ക്കും മൊബൈല് ഫോണ് ഉണ്ട്. അവരോട് നേരിട്ട് വേണം ഇത്തരം കാര്യങ്ങള് ഉന്നയിക്കാനെന്നും മന്ത്രി പറഞ്ഞു.
പഠനയാത്രയ്ക്ക് പണം ഇല്ല എന്ന കാരണത്താല് സ്കൂളിലെ ഒരു കുട്ടിയെപ്പോലും യാത്രയില് ഉള്പ്പെടുത്താതിരിക്കാന് പാടുള്ളതല്ല. സ്കൂളുകളില് പഠനയാത്രകള്, സ്കൂളുകളിലെ വ്യക്തിഗത ആഘോഷങ്ങള് എന്നിവ സംബന്ധിച്ച നിര്ദ്ദേശങ്ങള് അടിയന്തിരമായി നടപ്പില് വരുത്തുന്നതിന് സ്വീകരിച്ച നടപടികളിന്മേല് ഒരാഴ്ചക്കുള്ളില് റിപ്പോര്ട്ട് നല്കാന് പൊതു വിദ്യാഭ്യാസ വകുപ്പ് ഡയറക്ടറെ വിദ്യാഭ്യാസമന്ത്രി ചുമതലപ്പെടുത്തി.
