ഒന്നാം പിറന്നാൾ ആഘോഷിക്കാനിരിക്കെ ശ്വാസനാളത്തിൽ മുലപ്പാൽ തടഞ്ഞ് കുഞ്ഞ് മരിച്ചു. ആലപ്പുഴ തിരുമല കോണിശേരി വീട്ടിൽ നിഥിൻ എസ് കുമാർ- അമ്പളി ദമ്പതികളുടെ ഏകമകൾ നിളയാണ് മരിച്ചത്.

ബുധനാഴ്ച് പുലർച്ചെ അഞ്ജുവിന്റെ മുഹമ്മയിലുള്ള കൊച്ചുചിറയിൽ വീട്ടിൽവെച്ചായിരുന്നു സംഭവം. പാൽ കുടിച്ചശേഷം അമ്മയോടൊപ്പം ഉറങ്ങിക്കിടന്ന കുഞ്ഞ് അബോധാവസ്ഥയിലാവുകയായിരുന്നു. തുടർന്ന് മുഹമ്മ ആശുപത്രിയിലും പിന്നീട് ആലപ്പുഴ മെഡിക്കൽ കോളേജ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.