അനുബന്ധ വാര്ത്തകള്
- സംസ്ഥാനത്ത് വരും മണിക്കൂറില് ഈ ജില്ലയില് ശക്തമായ മഴയ്ക്ക് സാധ്യത
- ഇടതില്ലെങ്കില് ഇന്ത്യയില്ലെന്ന് പറഞ്ഞ മുഖ്യമന്ത്രി സിംഗപ്പൂര് തെരഞ്ഞെടുപ്പിന് പോയതായിരിക്കുമെന്ന് വിഡി സതീശന്
- സംസ്ഥാനത്ത് പലയിടത്തും ശക്തമായ മഴ; അഞ്ചുജില്ലകളില് യെല്ലോ അലര്ട്ട് പ്രഖ്യാപിച്ചു
- ഇന്ന് രാത്രി ഈ 11 ജില്ലകളിലും മഴയ്ക്ക് സാധ്യത
- അക്ഷയതൃതിയ ദിനത്തില് സ്വര്ണവില കുതിച്ചുയര്ന്നു
ഉച്ചയ്ക്ക് ശേഷം ഇടിമിന്നലോടുകൂടിയ ശക്തമായ മഴ; ഈ ജില്ലകളില് യെല്ലോ അലര്ട്ട്
സംസ്ഥാനത്ത് ഒറ്റപ്പെട്ടയിടങ്ങളില് ഉച്ചയ്ക്ക് ശേഷം ഇടിമിന്നലോടുകൂടിയ ശക്തമായ മഴയ്ക്ക് സാധ്യതയെന്ന് കാലാവസ്ഥാ കേന്ദ്രം. തിരുവനന്തപുരം ജില്ലയില് മഴയ്ക്കൊപ്പം ശക്തമായ ഇടിമിന്നലും ഉണ്ട്. കഴിഞ്ഞ ദിവസം ശക്തമായ കാറ്റില് നിരവധി പ്രദേശങ്ങളില് മരങ്ങള് വീണ് വൈദ്യുതി തടസങ്ങള് ഉണ്ടായി. ഇന്ന് പത്തനംതിട്ട, ഇടുക്കി ജില്ലകളിലാണ് യെല്ലോ അലര്ട്ട്. നാളെ തിരുവനന്തപുരം, പത്തനംതിട്ട എന്നീ ജില്ലകളില് കേന്ദ്ര കാലാവസ്ഥാവകുപ്പ് മഞ്ഞ അലര്ട്ട് പ്രഖ്യാപിച്ചിരിയ്ക്കുന്നു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
അതേസമയം കള്ളക്കടല് പ്രതിഭാസത്തിന്റെ ഭാഗമായി കേരള തീരത്ത് ഇന്ന് രാത്രി 11.30 വരെ 0.5 മുതല് 1.2 മീറ്റര് വരെ ഉയര്ന്ന തിരമാലയ്ക്കും കടലാക്രമണത്തിനും സാധ്യതയുണ്ടെന്നും ആയതിന്റെ വേഗത സെക്കന്ഡില് 20 cm നും 50 cm നും ഇടയില് മാറിവരുവാന് സാധ്യതയുണ്ടെന്നും ദേശീയ സമുദ്രസ്ഥിതിപഠന ഗവേഷണ കേന്ദ്രം (INCOIS) അറിയിച്ചു.
