എ കെ ജെ അയ്യര്‍|
Last Modified ബുധന്‍, 2 ഫെബ്രുവരി 2022 (15:53 IST)
തിരുവനന്തപുരം: ജില്ലയിലെ വിവിധ സ്ഥലങ്ങളിൽ നിന്നായി നിരവധി ബൈക്കുകൾ മോഷിടിച്ചു വിൽപ്പന നടത്തുന്ന നാലംഗ സംഘത്തെ പോലീസ് പിടികൂടി. വെഞ്ഞാറമൂട് സ്വദേശി മഞജിഷ് (27), അഴൂർ സ്വദേശി അപ്പു എന്ന ഹരിപ്രസാദ് (20), കണിയാപുരത്ത് താമസം തമിഴ്‌നാട് സ്വദേശി അയ്യപ്പൻ എന്ന ബിലാൽ (22), അഴൂർ സ്വദേശി സൂരജ് (20) എന്നിവരാണ് കഴക്കൂട്ടം പോലീസിന്റെ പിടിയിലായത്.
മോഷ്ടിക്കുന്ന ബൈക്കുകളുടെ നമ്പർ പ്ളേറ്റ് മാറ്റി കുറച്ചു ദിവസം ഉപയോഗിച്ച ശേഷം പിന്നീട് പൊളിച്ചു ആക്രിക്കടയിൽ വിളിക്കുന്നതാണ് ഇവരുടെ രീതി. മുക്കോലയ്ക്കലിൽ നിന്ന് ഒരു ബൈക്കും കഴക്കൂട്ടം ഇന്ഫോസിസിനു മുന്നിൽ നിന്ന് മറ്റൊരു ബൈക്കും കോവളം പ്രദേശത്തു നിന്ന് മറ്റൊരു ബൈക്കും ഇവർ അടുത്തകാലത്താണ് മോഷ്ടിച്ചത്.
കോവളത്തു നിന്ന് മോഷ്ടിച്ച ബൈക്ക് കണിയാപുരത്തെ ആക്രിക്കടയിൽ നിന്ന് കണ്ടെത്തി. അറസ്റ്റിലായ പ്രതികളെ കോടതി റിമാൻഡ് ചെയ്തു.
