ശബരിമല സ്‌ത്രീപ്രവേശന വിഷയവുമായി ബന്ധപ്പെട്ട് നിരവധി പ്രശ്‌നങ്ങളാണ് കഴിഞ്ഞ കുറച്ച് ദിവസങ്ങളായി ഉണ്ടായിരുന്നത്. തുലാമാസ പൂജകൾക്കായി നടതുറന്നതിന് ശേഷം നിരവധി സ്‌ത്രീകളാണ് അയ്യപ്പ ദർശനത്തിനായെത്തിയത്. എന്നാൽ പ്രതിഷേധക്കാർ ഇവരെ തടയുകയാണുണ്ടായത്.

ശബരിമല നട തിങ്കളാഴ്‌ച അടച്ചതോടെ ദിവസങ്ങൾ നീണ്ടുനിന്ന പ്രതിഷേധത്തിന് തെല്ല് വിരാമമായിരിക്കുകയാണ്. നടിയും ആക്‌ടിവിസ്‌റ്റുമായ രഹ്‌ന ഫാത്തിമ മലയകറാൻ എത്തിയതിന് ശേഷം പ്രശ്‌നങ്ങൾ കൂടിവരികയായിരുന്നു. എന്നാൽ രഹ്‌നയ്‌ക്കെതിരെ ആരോപണങ്ങൾ കൂടിക്കൂടിവരികയാണിപ്പോൾ. ബിജെപി നേതാവായയ ശോഭാ സുരേന്ദ്രനാണ് ഇപ്പോൾ രഹ്‌നയ്‌ക്കെതിരെ പുതിയ ആരോപണവുമായി രംഗത്ത് വന്നിരിക്കുന്നത്.

ശബരിമല സുരക്ഷയ്‌ക്കായുണ്ടായിരുന്ന പൊലീസുകാരുടെ കൂടെ സന്നിധാനത്തേക്ക് പ്രവേശിക്കാനെത്തിയ രഹ്ന സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകന്റെ രണ്ടാം ഭാര്യയാണെന്ന ആരോപണമാണ് ശോഭ സുരേന്ദ്രന്‍ ഉന്നയിച്ചിരിക്കുന്നത്.

ഐജി ശ്രീജിത്തിന്റെ അടുത്ത കൂട്ടുകാരിയാണ് രഹ്ന ഫാത്തിമ. ശ്രീജിത്തിന്റെ കൂട്ടുകാരിയായും കോടിയേരിയുടെ മകന്റെ രണ്ടാം ഭാര്യയുമായിട്ടാണ് രഹ്നസന്നിധാത്തേക്ക് വന്നത്. അവിശ്വാസികള്‍ക്ക് സംരക്ഷണം കൊടുക്കാന്‍ പോലീസിനെ അനാവശ്യമായി ഉപയോഗിക്കുകയാണെന്നും ശോഭ ആരോപിച്ചു.