സംസ്ഥാനത്ത് സെപ്‌റ്റംബർ ഒക്‌ടോബർ മാസങ്ങളിൽ സ്കൂളുകൾ തുറക്കാനാവുമെന്ന് കരുതുന്നില്ലെന്ന് മുഖ്യമന്ത്രി പിണറായി വിജയൻ. സെപ്‌റ്റംബറിൽ സ്കൂളുകൾ തുറക്കണമെന്ന് കേന്ദ്ര നിർദേശവും വന്നിട്ടില്ല. സംസ്ഥാനത്ത് ഓഡിറ്റോറിയങ്ങൾ പ്രവർത്തിക്കാൻ വ്യവസ്ഥകളോടെ അനുമതി നൽകിയിട്ടുണ്ടെന്നും മുഖ്യമന്ത്രി പറഞ്ഞു.

നിർമാണ പ്രവർത്തനങ്ങൾ വീണ്ടും ആരംഭിച്ചതോടെ അതിഥി തൊഴിലാളികൾ വലിയ തോതിൽ തിരിച്ചെത്തിയിട്ടുണ്ട്. അവരിൽ രോഗബാധിതരുണ്ടോ എന്ന് പരിശൊധിച്ച് തീർപ്പാക്കേണ്ടതുണ്ട്. ഇക്കാര്യത്തിൽ ബന്ധപ്പെട്ട വകുപ്പുകളും തദ്ദേശസ്വയംഭരണ സ്ഥാപനങ്ങളും നടപടികൾ സ്വീകരിക്കണം. അതേസമയം സംസ്ഥാനത്ത് ഇന്ന് 2540 പേർക്കാണ് കൊവിഡ് സ്ഥിരീകരിച്ചത്. ഇതിൽ 64 ആരോഗ്യപ്രവർത്തകരും ഉൾപ്പെടുന്നു.