സംസ്ഥാനത്തെ റോഡുകള്‍ തകരാന്‍ കാരണം കാലം തെറ്റി പെയ്യുന്ന മഴയെന്ന് മന്ത്രി പി എ മുഹമ്മദ് റിയാസ്. കാലാവസ്ഥയെ മനസ്സിലാക്കി എങ്ങനെ റോഡ് നിര്‍മ്മാണം നടത്താം എന്നാണ് ചിന്തിക്കുന്നത്. കാലാവസ്ഥാവ്യതിയാനം പ്രധാന പ്രശ്‌നമാണെന്നും മന്ത്രി പറഞ്ഞു. കുഴിയില്‍ വീണ് പരിക്കേല്‍ക്കുന്നവര്‍ക്കും മരിക്കുന്നവരുടെ കുടുംബത്തിനും സര്‍ക്കാര്‍ സഹായം നല്‍കുന്നത് സംബന്ധിച്ച് ചര്‍ച്ച ചെയ്ത് തിരുമാനം എടുക്കുമെന്നും മന്ത്രി വ്യക്തമാക്കി.