കേരളത്തിൽ യു‌ഡിഎഫിനായി പ്രചാരണത്തിനിറങ്ങിയ കോൺഗ്രസ് ജനറൽ സെക്രട്ടറി പ്രിയങ്കാ ഗാന്ധി നേമത്ത് പ്രചാരണത്തിന് എത്താതിരുന്നതിൽ അതൃപ്തിയറിയിച്ച് യുഡിഎഫ് സ്ഥാനാർത്ഥി കെ മുരളീധരൻ. നേമത്ത് എത്തിയില്ലെങ്കിൽ അത് മറ്റ് പല വ്യാഖാനങ്ങൾക്കും കാരണമാകുമെന്ന് മുരളീധരൻ മുന്നറിയിപ്പ് നൽകി. തുടർന്ന് ഏപ്രിൽ മൂന്നിന് കേരളത്തിൽ വീണ്ടും എത്താമെന്ന് പ്രിയങ്ക ഉറപ്പ് നൽകി.

തലസ്ഥാനത്ത് ആദ്യം വെഞ്ഞാറമ്മൂട് മണ്ഡലം, ശേഷം കാട്ടാക്കട അതിന് ശേഷം പൂജപ്പുരയിൽ നേമത്തെ സ്ഥാനാർത്ഥി മുരളീധരനും വട്ടിയൂർക്കാവിലെ യുഡിഎഫ് സ്ഥാനാർത്ഥി വീണ നായർക്കും ഒപ്പം റോഡ് ഷോ എന്നതായിരുന്നു പ്രചാരണ പദ്ധതി. എന്നാൽ സമയക്കുറവ് മൂലം പൂജപ്പുര റോഡ് ഷോ ഒഴിവാക്കേണ്ടി വന്നു.

അതേസമയം ദേശീയതലത്തിൽ ചർച്ചയാകുന്ന നേമത്ത് പ്രിയങ്ക എത്താത്തത് കോൺഗ്രസിന് വലിയ തിരിച്ചടി നൽകുമെന്ന് മുരളീധരൻ പ്രിയങ്കയെ അറിയിച്ചു.ബിജെപിയും സിപിഎമ്മും അടക്കം ഇത് ആയുധമാക്കിയേക്കുമെന്നും മുരളീധരൻ അറിയിച്ചു.