അനുബന്ധ വാര്ത്തകള്
- High Alert: കടലില് വീണ കാര്ഗോ തൊടരുത്; കോസ്റ്റ് ഗാര്ഡിന്റെ മുന്നറിയിപ്പ്
- കൊച്ചിയില് മൂന്നുവയസുകാരിയെ നദിയിലേക്ക് വലിച്ചെറിഞ്ഞ സംഭവം; പെണ്കുട്ടിയുടെ മാതാവ് അറസ്റ്റില്
- Kochi Metro: കൊച്ചി മെട്രോയുടെ മുഖം മാറുന്നു; കളമശ്ശേരി സ്റ്റേഷനില് നിന്ന് ഇനി പെട്രോളും അടിക്കാം
- Mockdrills: മെയ് 7ന് രാജ്യവ്യാപകമായി 259 ഇടങ്ങളിൽ മോക്ഡ്രില്ലുകൾ, കേരളത്തിൽ കൊച്ചിയിലും തിരുവനന്തപുരത്തും
- കൈക്കൂലി : കൊച്ചി കോർപ്പറേഷൻ ഓവർസിയർ പിടിയിൽ
വലിയ സ്ഫോടനത്തിന് സാധ്യത; മുങ്ങി താഴ്ന്നു പോയ കപ്പലിലുള്ളത് 250 ടണ് കാല്സ്യം കാര്ബൈഡ് നിറച്ച കണ്ടൈനറുകള്
കൊച്ചിയില് നിന്ന് 38 നോട്ടിക്കല് മൈല് ദൂരെയാണ് 650 കണ്ടെയ്നറുകളുമായി എത്തിയ ചരക്ക് കപ്പല് മുങ്ങിയത്.
അറബിക്കടലില് മുങ്ങി താഴ്ന്നു പോയ കപ്പലിലുള്ളത് 250 ടണ് കാല്സ്യം കാര്ബൈഡ് നിറച്ച കണ്ടൈനറുകളാണെന്നും ഇത് വലിയ സ്ഫോടനത്തിന് കാരണമാകുമെന്നും അധികൃതര് പറയുന്നു. കൊച്ചിയില് നിന്ന് 38 നോട്ടിക്കല് മൈല് ദൂരെയാണ് 650 കണ്ടെയ്നറുകളുമായി എത്തിയ ചരക്ക് കപ്പല് മുങ്ങിയത്. കപ്പലുകളില് നിലവില് 25 ഓളം കാല്സ്യം കാര്ബൈഡ് നിറച്ച കണ്ടൈനറുകള് ഉണ്ട്. ഇത് അപകടകരമാണെന്നാണ് അധികൃതര് വ്യക്തമാക്കുന്നത്.
നിലവില് കടലില് പടര്ന്ന എണ്ണപ്പാടം നീക്കം ചെയ്യാനുള്ള ശ്രമം നടക്കുകയാണ്. കോസ്റ്റുകാര്ഡിന്റെ രണ്ട് കപ്പലുകളും ഡോണിയര് വിമാനങ്ങളും ഉപയോഗിച്ചാണ് എണ്ണപ്പാടം നീക്കം ചെയ്യുന്നത്. അതേസമയം താഴ്ന്നുപോയ കണ്ടെയ്നറുകളില് വെള്ളം കടന്നാല് കാല്സ്യം കാര്ബൈഡുമായി കൂടിക്കലര്ന്ന് അസറ്റിലിന് വാതകം ഉണ്ടാവുകയും ഇതുവഴി വലിയ സ്ഫോടനം ഉണ്ടാകാന് സാധ്യതയുണ്ടെന്നുമാണ് വിവരം.
അതേസമയം കടലില് വീണ കണ്ടൈനറുകളില് ഒന്ന് കൊല്ലം കരുനാഗപ്പള്ളി തീരത്ത് അടിഞ്ഞിട്ടുണ്ട്. അര്ദ്ധരാത്രിയോടെയാണ് കണ്ടെയ്നര് ഉഗ്ര ശബ്ദത്തോടെ തീരത്തടിഞ്ഞതെന്ന് നാട്ടുകാര് പറയുന്നു. ദേശീയ ദുരന്തനിവാരണ വകുപ്പ് നല്കുന്ന സന്ദേശം ചുവടെ കൊടുക്കുന്നു:-
മുങ്ങിയ MSC Elsa3 കപ്പലില് നിന്നുള്ള വസ്തുക്കള് എന്ന് തോന്നുന്നവ തീരത്ത് അടിഞ്ഞത് കണ്ടാല് ദയവായി തൊടരുത്, അടുത്ത് പോകരുത്, അപ്പോള് തന്നെ 112 വില് അറിയിക്കുക. ചുരുങ്ങിയത് 200 മീറ്റര് എങ്കിലും മാറി നില്ക്കാന് ശ്രദ്ധിക്കുക. കൂട്ടം കൂടി നില്ക്കരുത്. വസ്തുക്കള് അധികൃതര് മാറ്റുമ്പോള് തടസം സൃഷ്ടിക്കരുത്. ദൂരെ മാറി നില്ക്കുവാന് ശ്രദ്ധിക്കുക. പൊതുജനങ്ങള്, മാധ്യമ പ്രവര്ത്തകര് എന്നിവര് പ്രത്യേകം ശ്രദ്ധിക്കുക.
