12 മണിക്കൂറിനിടെ രണ്ട് രാഷ്ട്രീയ കൊലപാതകങ്ങള്‍ നടന്ന ആലപ്പുഴയില്‍ രണ്ടുദിവസം നിരോധനാജ്ഞ പ്രഖ്യാപിച്ചു. എസ്ഡിപി ഐ സംസ്ഥാന സെക്രട്ടറി കെ എസ് ഷാനും ഒബിസി മോര്‍ച്ച സംസ്ഥാന സെക്രട്ടറി രഞ്ജിത്ത് ശ്രീനിവാസനുമാണ് കൊല്ലപ്പെട്ടത്. അക്രമ സാധ്യത കണക്കിലെടുത്താണ് നിരോധനാജ്ഞ പ്രഖ്യപിച്ചത്.

ഇന്നലെ രാത്രിയായിരുന്നു ഷാനെ കൊലപ്പെടുത്തിയത്. സഞ്ചരിച്ച ബൈക്ക് ഇടിച്ച് വീഴ്ത്തിയ ശേഷമായിരുന്നു കൊല. അഞ്ചംഗ സംഘമാണ് കൊലയ്ക്ക് പിന്നിലെന്നാണ് വിവരം. സിസിടിവികള്‍ കേന്ദ്രീകരിച്ചാണ് അന്വേഷണം നടക്കുന്നത്. ഇന്ന് രാവിലെയാണ് ഒബിസി മോര്‍ച്ച ആലപ്പുഴ ജില്ല സെക്രട്ടറിയായ രഞ്ചിത്തിനെ കൊലപ്പെടുത്തിയത്. ഇതിന് പിന്നില്‍ എസ്ഡിപി ഐ എന്നാണ് വിവരം.