അനുബന്ധ വാര്ത്തകള്
- അഭിഷേക് കൊല നടത്തിയത് നിഥിനമോളുടെ അമ്മയ്ക്ക് ഭീഷണി സന്ദേശം അയച്ച ശേഷം
- അഭിഷേക് ഒരാളെ കൊല്ലുകയോ? വിശ്വസിക്കാതെ നാട്ടുകാരും സുഹൃത്തുക്കളും; നിഥിനയെ കൊന്ന ശേഷം നിര്വികാരനായി ഇരിപ്പ്
- ഒരാഴ്ച മുന്പ് അഭിഷേക് ബ്ലേഡ് വാങ്ങി; കൊലപാതകം ആസൂത്രിതം, പെട്ടെന്നുണ്ടായ പ്രകോപനത്തിലാണ് കൊന്നതെന്ന് പൊലീസിനോട് പ്രതി
- നിഥിനയെ കൊല്ലാന് ഉദ്ദേശിച്ചിരുന്നില്ല, ആയുധം കൊണ്ടുവന്നത് സ്വയം കൈമുറിച്ച് പേടിപ്പിക്കാന്; പ്രതി അഭിഷേക്
- സുഹൃത്തിനെ കൊലപ്പെടുത്തിയ ശേഷം പൊലീസ് വരുന്നതുവരെ അഭിഷേക് ശാന്തനായി ഇരുന്നു; ഞെട്ടി പാലാ സെന്റ് തോമസ് കോളേജ് ക്യാംപസ്
ഏത് ഞരമ്പ് മുറിച്ചാല് വേഗം മരിക്കും? കഴുത്തില് മുറിവേല്പ്പിച്ചാല് എത്ര സമയം കൊണ്ട് മരിക്കും? കൊലപാതകത്തിനു ലഭിക്കുന്ന ശിക്ഷ എന്തെല്ലാം?; അഭിഷേക് സൈറ്റുകളില് തിരഞ്ഞത്
പാലാ സെന്റ് തോമസ് കോളേജിലെ വിദ്യാര്ഥിനി നിഥിനാമോളെ കൊലപ്പെടുത്താന് സഹപാഠി അഭിഷേക് മുന്നൊരുക്കങ്ങള് നടത്തിയിരുന്നതായി പൊലീസ്. ഒരു മനുഷ്യനെ കൊല്ലേണ്ട വിവിധ രീതികളെക്കുറിച്ചുള്ള വിവരങ്ങള് ആഴ്ചകള്ക്കു മുന്പേ പ്രതി അഭിഷേക് ഗൂഗിളില് തിരഞ്ഞിരുന്നു. ഞരമ്പ് മുറിച്ച് മനുഷ്യരെ എങ്ങനെ കൊല്ലണമെന്നാണ് കൂടുതല് വായിച്ചത്. എവിടെയുള്ള ഞരമ്പുകള് മുറിച്ചാല് പെട്ടെന്ന് മരണം ഉറപ്പാക്കാമെന്ന് പരിശോധിച്ചു. കഴുത്തില് എത്ര ഞരമ്പുകളുണ്ടന്നും അവയില് ആഴത്തില് മുറിവേല്പ്പിക്കുന്ന രീതികളും പ്രതി സൈറ്റുകളില് പരിശോധിച്ചതായി പൊലീസ് പറഞ്ഞു. കഴുത്തില് മുറിവേല്പ്പിക്കുമ്പോള് മരണം സംഭവിക്കാനെടുക്കുന്ന സമയവും തിരഞ്ഞു. കൊല നടത്തിയാല് ലഭിക്കാവുന്ന ശിക്ഷ, എടുക്കാവുന്ന കേസുകള് എന്നിവയും മനസ്സിലാക്കി.
