പുതുക്കിയ മഴ മുന്നറിയിപ്പ്; റെഡ്, ഓറഞ്ച് അലര്ട്ടുകളില്ല
ശക്തമായ കാറ്റിനും തിരമാലയ്ക്കും സാധ്യതയുള്ളതിനാല് കേരള തീരത്തു നിന്ന് മത്സ്യബന്ധനത്തിനു പോകാന് പാടുള്ളതല്ല
Rain - Kerala Weather
സംസ്ഥാനത്ത് മഴയ്ക്ക് നേരിയ ശമനം. പുതുക്കിയ മഴ മുന്നറിയിപ്പ് അനുസരിച്ച് സംസ്ഥാനത്ത് റെഡ്, ഓറഞ്ച് അലര്ട്ടുകളില്ല. ഏഴ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ് യെല്ലോ അലര്ട്ട്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്ററില് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
ശക്തമായ കാറ്റിനും തിരമാലയ്ക്കും സാധ്യതയുള്ളതിനാല് കേരള തീരത്തു നിന്ന് മത്സ്യബന്ധനത്തിനു പോകാന് പാടുള്ളതല്ല.
