സ്കൂൾ സമയമാറ്റം, സർക്കാർ വാദം അംഗീകരിക്കില്ല, സമരത്തിനിറങ്ങുമെന്ന് സമസ്ത
Samastha
മദ്രസ പഠനത്തെ ബാധിക്കാത്ത തരത്തില് എങ്ങനെ സ്കൂള് സമയം കൂട്ടാനാകും എന്നതില് സര്ക്കാര് ചര്ച്ച നടത്തണമെന്നും സ്കൂള് സമയമാറ്റത്തില് അന്തിമവിജയം നേടുന്നത് വരെ പോരാടൂമെന്നും സമസ്ത ഒരു തരത്തിലുള്ള വിട്ടുവീഴ്ചയ്ക്കും തയ്യാറല്ലെന്നും ജനറല് സെക്രട്ടറി എം ടി അബ്ദുല്ല മുസ്ലിയാര് പറഞ്ഞു. ഹൈസ്കൂള് സമയം മാത്രം മാറ്റിയതെന്ന സര്ക്കാര് വാദം അംഗീകരിക്കില്ലെന്നും ഹൈസ്കൂളുകളോട് ചേര്ന്ന് പ്രവര്ത്തിക്കുന്ന യുപി സ്കൂളുകളും ഹൈസ്കൂള് സമയത്തിന് അനുസരിച്ച് പ്രവര്ത്തിക്കുന്നതിനാല് മറ്റ് കുട്ടികളുടെ പഠനത്തെയും ഇത് ബാധിക്കുമെന്നാണ് സമസ്ത പറയുന്നത്.സമയമാറ്റത്തില് നിന്ന് പിന്മാറണമെന്ന് ആവശ്യപ്പെട്ട് സമസ്ത അധ്യക്ഷന് ജിഫ്രി മുത്തുക്കോയ തങ്ങള് മുഖ്യമന്ത്രിക്ക് നിവേദനം നല്കിയിരുന്നെന്നും എന്നാല് ഇത് മുഖ്യമന്ത്രി മുഖവുരയ്ക്കെടുത്തില്ലെന്നും സംഘടന ആരോപിക്കുന്നു.
