അനുബന്ധ വാര്ത്തകള്
- മഴ തുടരുമെങ്കിലും ഇന്ന് റെഡ്, ഓറഞ്ച് അലര്ട്ടുകളില്ല
- ജോയിയുടെ കുടുംബത്തിന് 10ലക്ഷം രൂപ കൈമാറി സംസ്ഥാന സര്ക്കാര്
- ശശി തരൂര് ഫേസ്ബുക്കിലൂടെ ജീവിക്കുന്നയാളാണെന്ന് മന്ത്രി വി ശിവന്കുട്ടി
- വിന്ഡോസ് ഓപ്പറേറ്റിംഗ് സിസ്റ്റത്തിന്റെ തകരാര് മൂലം നെടുമ്പാശേരിയിലും വിമാന സര്വീസുകള് വൈകുന്നു
- ആമയിഴഞ്ചാന് തോട്ടില് മാലിന്യനിക്ഷേപം പഴയപടി; രാത്രിയില് മാലിന്യം ഇടാനെത്തിയ ഒന്പത് വാഹനങ്ങള് നഗരസഭ പിടികൂടി
ജൂലൈ 30 ന് നടക്കുന്ന തദ്ദേശ ഉപതിരഞ്ഞെടുപ്പ്: മഷി പുരട്ടുക വോട്ടറുടെ ഇടതു കൈയിലെ നടുവിരലില്
ഈ നിര്ദ്ദേശം ജൂലൈ 30ന് നടക്കുന്ന ഉപതിരഞ്ഞെടുപ്പിനു വേണ്ടി മാത്രമുള്ളതായിരിക്കും
ജൂലൈ30ന് നടക്കുന്ന തദ്ദേശസ്ഥാപന ഉപതിരഞ്ഞെടുപ്പില് വോട്ട് ചെയ്യുന്നവരുടെ ഇടത് കൈയിലെ നടുവിരലിലാണ് മായാത്ത മഷി പുരട്ടേണ്ടതെന്ന് സംസ്ഥാന തിരഞ്ഞെടുപ്പ് കമ്മീഷന് നിര്ദ്ദേശിച്ചു. 2024ഏപ്രിലില് നടന്ന ലോക്സഭാ തിരഞ്ഞെടുപ്പില് സമ്മതിദാനാവകാശം വിനിയോഗിച്ച വോട്ടര്മാരുടെ ഇടതു കൈയിലെ ചൂണ്ടുവിരലില് പുരട്ടിയ മഷി അടയാളം പൂര്ണമായും മാഞ്ഞുപോയിട്ടില്ലാത്തതിനാലാണ് ഈ തീരുമാനം.
ഈ നിര്ദ്ദേശം ജൂലൈ 30ന് നടക്കുന്ന ഉപതിരഞ്ഞെടുപ്പിനു വേണ്ടി മാത്രമുള്ളതായിരിക്കും. സംസ്ഥാനത്തെ49തദ്ദേശസ്ഥാപന വാര്ഡുകളിലേയ്ക്കാണ് ജൂലൈ30ന് ഉപതിരഞ്ഞെടുപ്പ് നടക്കുന്നത്.
തിരഞ്ഞെടുപ്പ് ചട്ടങ്ങളിലെ ആള്മാറാട്ടത്തിനെതിരെയുള്ള മുന്കരുതല് വ്യവസ്ഥ പ്രകാരം സമ്മതിദായകന്റെ നിജസ്ഥിതിയെപ്പറ്റി ബോദ്ധ്യമായാല്,ഇടതു കൈയിലെ ചൂണ്ടുവിരല് പ്രിസൈഡിംഗ് ഓഫീസറോ പോളിംഗ് ഓഫീസറോ പരിശോധിച്ച് അതില് മായാത്ത മഷി പുരട്ടേണ്ടതുണ്ട്. വോട്ടറുടെ ഇടതുചൂണ്ടുവിരലില് അത്തരത്തിലുള്ള മഷിയടയാളം നേരത്തേ ഉണ്ടെങ്കില് വോട്ട് ചെയ്യാനാകില്ല. ആയതിനാലാണ് തിരഞ്ഞെടുപ്പ് കമ്മീഷന് ഇത്തരത്തില് നിര്ദ്ദേശം പുറപ്പെടുവിച്ചത്.
