അനുബന്ധ വാര്ത്തകള്
- ചരിത്രം കുറിച്ച് പിണറായി സര്ക്കാര്; 57 പൊതുമേഖലാ സ്ഥാപനങ്ങള് ലാഭത്തില്; ഉമ്മന്ചാണ്ടി സര്ക്കാര് ഇറങ്ങുമ്പോള് എത്രയെന്നോ?
- കുഞ്ഞിന് പേരായി, ഇഷ്ടമായോ ഈ പേര്?
- Lok Sabha election 2024: സംസ്ഥാനത്ത് യുവ വോട്ടര്മാരുടെ എണ്ണത്തില് വന് വര്ധനവ്
- 'എക്സ്പീരിയന്സ് ഉണ്ടായിട്ട് കാര്യമില്ല, ബുദ്ധിയും വേണം'; പഞ്ചാബിന്റെ തോല്വിക്ക് താരണം ധവാന്റെ ക്യാപ്റ്റന്സിയെന്ന് ആരാധകര്
- ധനുഷും ഐശ്വര്യ രജനികാന്തും വീണ്ടും ഒന്നിക്കുന്നു, ശുഭ വാര്ത്തയ്ക്കായി പ്രതീക്ഷയോടെ ആരാധകര്
ഈമാസം മുഴുവനും ചൂട് ഉയര്ന്നുതന്നെ നില്ക്കും; തൃശൂരില് 40ഡിഗ്രി സെല്ഷ്യസ് വരെ ചൂട് ഉയരും
ഈമാസം മുഴുവനും ചൂട് ഉയര്ന്നുതന്നെ നില്ക്കുമെന്ന് കാലാവസ്ഥാ കേന്ദ്രത്തിന്റെ മുന്നറിയിപ്പ്. മുതല് 30 വരെ തൃശൂര് ജില്ലയില് ഉയര്ന്ന താപനില 40°C വരെയും, കൊല്ലം, പാലക്കാട് ജില്ലകളില് ഉയര്ന്ന താപനില 39°C വരെയും, പത്തനംതിട്ട ജില്ലയില് ഉയര്ന്ന താപനില 38°C വരെയും, കോട്ടയം, എറണാകുളം, കോഴിക്കോട്, കണ്ണൂര് ജില്ലകളില് ഉയര്ന്ന താപനില 37°C വരെയും, ആലപ്പുഴ, മലപ്പുറം, കാസര്ഗോഡ് ജില്ലകളില് ഉയര്ന്ന താപനില 36°C വരെയും (സാധാരണയെക്കാള് 2 - 4 °C കൂടുതല്) ഉയരാന് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിക്കുന്നു.
ഉയര്ന്ന താപനിലയും ഈര്പ്പമുള്ള വായുവും കാരണം ഈ ജില്ലകളില്, മലയോര മേഖലകളിലൊഴികെ 2024 മാര്ച്ച് 26 മുതല് 30 വരെ ചൂടും അസ്വസ്ഥതയുമുള്ള കാലാവസ്ഥയ്ക്ക് സാധ്യതയുണ്ട്.
ഉയര്ന്ന ചൂട് സൂര്യാഘാതം, സൂര്യാതപം, നിര്ജലീകരണം തുടങ്ങി നിരവധി ഗുരുതരമായ ആരോഗ്യപ്രശ്നങ്ങള്ക്ക് കാരണമാകും. അതുകൊണ്ട് പൊതുജനങ്ങള് താഴെ പറയുന്ന നിര്ദേശങ്ങള് പാലിക്കേണ്ടതാണ്. പകല് 11 am മുതല് വൈകുന്നേരം 3 pm വരെയുള്ള സമയത്ത് നേരിട്ട് ശരീരത്തില് കൂടുതല് സമയം തുടര്ച്ചയായി സൂര്യപ്രകാശം ഏല്ക്കുന്നത് ഒഴിവാക്കുക. പരമാവധി ശുദ്ധജലം കുടിക്കുക. ദാഹമില്ലെങ്കിലും വെള്ളം കുടിക്കുന്നത് തുടരുക. നിര്ജലീകരണമുണ്ടാക്കുന്ന മദ്യം, കാപ്പി, ചായ, കാര്ബണേറ്റഡ് ശീതള പാനീയങ്ങള് തുടങ്ങിയവ പകല് സമയത്ത് ഒഴിവാക്കുക. അയഞ്ഞ, ഇളം നിറത്തിലുള്ള കോട്ടണ് വസ്ത്രങ്ങള് ധരിക്കുക. പുറത്തിറങ്ങുമ്പോള് പാദരക്ഷകള് ധരിക്കുക. കുടയോ തൊപ്പിയോ ഉപയോഗിക്കുന്നത് നല്ലതായിരിക്കും. പഴങ്ങളും പച്ചക്കറികളും ധാരാളമായി കഴിക്കുക. ORS ലായനി, സംഭാരം തുടങ്ങിയവയുടെ ഉപയോഗം പ്രോത്സാഹിപ്പിക്കുക.
