അനുബന്ധ വാര്ത്തകള്
- നടന് ദിലീപിന് യുഎഇ ഗോള്ഡന് വീസ
- ഒരു വഴിക്ക് പോകാൻ എത്രരൂപ ടോളാകും, നേരത്തെ അറിയാൻ ഗൂഗിൾ മാപ്പ് സഹായിക്കും
- സ്വർണവില വീണ്ടും താഴോട്ട്, രണ്ട് ദിവസത്തിനിടെ ഇടിഞ്ഞത് 960 രൂപ
- പൃഥ്വിരാജ് നാട്ടിലേക്ക്, കേരളത്തില് 10 ദിവസത്തെ ചിത്രീകരണം കൂടി,'ആടുജീവിതം' ഒരുങ്ങുന്നു
- Fact Check: സ്വപ്ന സുരേഷിനെ അറിയില്ലെന്ന് മുഖ്യമന്ത്രി പറഞ്ഞിട്ടുണ്ടോ?
ഗൂഗിൾ മാപ്പ് ചതിച്ചു, കടത്തികൊണ്ടുപോയ സ്വർണവുമായി വന്നുപ്പെട്ടത് പോലീസിൻ്റെ മുൻപിൽ
നെടുമ്പാശ്ശേരി വിമാനത്താവളം വഴി കടത്തിയ ഒന്നര കിലോഗ്രാം സ്വർണം വാഹനപരിശൊധനയ്ക്കിടെ പോലീസ് പിടികൂടി. സംഭവത്തിൽ അഴിക്കോട് ചെമ്മാത്ത്പറമ്പിൽ സബീൽ(44) മലപ്പുറം വള്ളുമ്പറം തൊണ്ടിയിൽ നിഷാജ്(27) എന്നിവരാണ് പിടിയിലായത്.
കസ്റ്റംസിൻ്റെ കണ്ണുവെട്ടിച്ച് കടത്തിയ സ്വർണം മലപ്പുറത്തേക്ക് കൊണ്ടുപോകുന്നതിനിടെയാണ് ഇവർ പിടിയിലായത്. ഗൂഗിൾ മാപ്പ് നോക്കി യാത്ര ചെയ്ത നിഷാജ് വഴിതെറ്റി പോലീസിൻ്റെ മുന്നിലേക്ക് ചാടുകയായിരുന്നു. പുലർച്ചെ രണ്ടുമണിയോടെ അഴീക്കോട് ജെട്ടിയിൽ വാഹനപരിശോധന നടത്തുകയായിരുന്ന പോലീസ് സംഘത്തിന് മുന്നിലാണ് നിഷാജ് എത്തിപ്പെട്ടത്.
വിവരമറിഞ്ഞ് രക്ഷപ്പെടാൻ ശ്രമിച്ച സബീലിനെ അണ്ടത്തോട് ഭാഗത്ത് നിന്നാണ് അറസ്റ്റ് ചെയ്തത്. പശ ചേർത്ത് സ്വർണത്തരികൾ പിടിപ്പിച്ച ട്രൗസറും ടീഷർട്ടുമാണ് കാറിലുണ്ടായിരുന്നത്. കാറിൻ്റെ ഗിയർ ബോക്സിലും സ്വർണം ഉണ്ടായിരുന്നു. ദുബായിൽ നിന്ന് മലദ്വാരത്തിൽ ഒളിപ്പിച്ച് സബീലായിരുന്നു സ്വർണം കൊണ്ടുവന്നത്. ഇത് നിഷാജ് മലപ്പുറത്തേക്ക് കടത്തുന്നതിനിടെയാണ് പിടിയിലായത്.
വാഹനത്തിൽ നിന്നും കിട്ടിയ ട്രൗസറിൻ്റെയും ടീ ഷർട്ടിൻ്റെയും അസാധാരണഭാരത്തിൽ സംശയം തോന്നിയാണ് പോലീസ് പരിശോധന നടത്തിയത്.
