ദുബായ്: ദുബായ് ഡ്യൂട്ടിഫ്രീ നറുക്കെടുപ്പില്‍ മലയാളിക്ക്
പത്ത് ലക്ഷം യു.എസ് ഡോളര്‍ വില വരുന്ന ഏഴു കോടിയിലേറെ രൂപ സമ്മാനം ലഭിച്ചു. എറണാകുളം മുളന്തുരുത്തി സ്വദേശി സൂരജ് അനീദ് (35) ആണ് സമ്മാനത്തിന് അര്‍ഹനായത്.

കഴിഞ്ഞ ജനുവരി ഇരുപത്തിനാണ് ഓണ്‍ലൈന്‍ വഴി സൂരജ് 4645
നമ്പറുള്ള ടിക്കറ്റെടുത്തത്. കഴിഞ്ഞ ദിവസമാണ് നറുക്കെടുപ്പില്‍ വിജയിയായ വിവരം ഫേസ്ബുക്കിലൂടെ അറിഞ്ഞത്. ദുബായ് ഡ്യൂട്ടിഫ്രീ നറുക്കെടുപ്പില്‍ മുന്നൂറ്റി അമ്പതാമത്തെ വിജയായിയാണ് സൂരജ്. യു.എ ഇ യില്‍ കഴിഞ്ഞ അഞ്ചു വര്ഷങ്ങളായി ബാങ്കില്‍ കസ്റ്റംസ് വിഭാഗത്തിലാണ് സൂരജ് ജോലി ചെയ്യുന്നത്.