ആലപ്പുഴയില്‍ സുഹൃത്തുക്കളുമായി കുളത്തില്‍ കുളിക്കുന്നതിനിടെ പത്താംക്ലാസ് വിദ്യാര്‍ത്ഥി മുങ്ങി മരിച്ചു. തൈക്കാട്ടുശേരി പഞ്ചായത്ത് പതിനൊന്നാം വാര്‍ഡ് വളവനാട്ട് ചിറ ജോസ്‌കുട്ടി-ലീന ദമ്പതികളുടെ മകന്‍ അലന്‍ ജോസ് ആണ് മരിച്ചത്. 15 വയസായിരുന്നു. ഇന്നലെ ഉച്ചയോടെയാണ് അപകടം നടന്നത്. വെള്ളത്തില്‍ മുങ്ങിപ്പോയ അലനെ നാട്ടുകാര്‍ മുങ്ങിയെടുത്ത് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാന്‍ സാധിച്ചില്ല. തൈക്കാട്ടുശേരി എസ്എംഎസ്‌ജെ ഹൈസ്‌കൂളിലെ വിദ്യാര്‍ത്ഥിയാണ്.