Riyan Parag: മത്സരം ഞാൻ ഫിനിഷ് ചെയ്യണമായിരുന്നു,തോൽവിയുടെ ഉത്തരവാദിത്തം ഏറ്റെടുക്കുന്നുവെന്ന് പരാഗ്
Riyan parag
മത്സരശേഷം നടത്തിയ പ്രതികരണത്തിലാണ് രാജസ്ഥാന്റെ തോല്വിയില് പരാഗ് സ്വയം പഴിച്ചത്. മത്സരത്തിന്റെ പത്തൊമ്പതാം ഓവറില് താന് കളി ഫിനിഷ് ചെയ്യണമായിരുന്നുവെന്ന് പരാഗ് തുറന്ന് പറഞ്ഞു. മത്സരത്തിലെ അവസാന 2 ഓവറുകളില് 20 റണ്സായിരുന്നു രാജസ്ഥാന് വിജയിക്കാന് വേണ്ടിയിരുന്നത്. പ്രിന്സ് യാദവെറിഞ്ഞ ഓവറില് 11 റണ്സ് വന്നതോടെ അവസാന ഓവറില് 9 റണ്സ് വേണമെന്ന നിലയിലായി രാജസ്ഥാന്. എന്നാല് ആവേശ് ഖാന് എറിഞ്ഞ ഓവറില് 6 റണ്സ് മാത്രമാണ് രാജസ്ഥാന് നേടാനായത്.
ലഖ്നൗ ടീമിനെ 165-170ല് ഒതുക്കാനാവുമെന്നാണ് കരുതിയത്. എന്നാല് കൂടുതല് റണ്സ് രാജസ്ഥാന് വിട്ടുകൊടുത്തതായും പരാഗ് പറഞ്ഞു. നിലവില് 8 മത്സരങ്ങള് അവസാനിക്കുമ്പോള് 2 വിജയങ്ങളുമായി രാജസ്ഥാന് എട്ടാം സ്ഥാനത്താണ്.
