അനുബന്ധ വാര്ത്തകള്
- 'ആ രാജ്യങ്ങള് തന്നെ വിളിച്ചു കെഞ്ചുകയാണ്': പകര ചുങ്കം ഏര്പ്പെടുത്തിയ രാജ്യങ്ങളെ പരിഹസിച്ച് ട്രംപ്
- അമേരിക്ക പുറത്തിറക്കിയത് ബ്ലാക്ക് മെയിലിംഗ് സ്വഭാവം; ബുദ്ധിയില്ലായ്മ ആവര്ത്തിക്കുകയാണെന്ന് ചൈന
- ബ്രിട്ടനിലെ വ്യാപാരങ്ങള് തകരാതിരിക്കാന് കവചം തീര്ക്കും: ബ്രിട്ടീഷ് പ്രധാനമന്ത്രി
- അമേരിക്കയ്ക്ക് മുട്ടന് പണി നല്കി ചൈന; ഇറക്കുമതി ചെയ്യുന്ന മുഴുവന് ഉല്പ്പന്നങ്ങള്ക്കും 34 ശതമാനം അധിക തീരുവ ഏര്പ്പെടുത്തി
- ചൈനക്കാരുമായി പ്രേമവും വേണ്ട, സെക്സും വേണ്ട; ചൈനയിലുള്ള യു.എസ് ജീവനക്കാർക്ക് ട്രംപ് ഭരണകൂടത്തിന്റെ 'വിചിത്ര വിലക്ക്'
യുഎസില് ഹെലികോപ്റ്റര് തകര്ന്ന് ആറ് മരണം
ന്യൂയോര്ക്ക് ഹെലികോപ്റ്റര് ടൂര്സ് പ്രവര്ത്തിപ്പിക്കുന്ന ബെല് 206 വിഭാഗത്തില്പ്പെട്ട ഹെലികോപ്റ്ററാണ് അപകടത്തില്പ്പെട്ടതെന്ന് പൊലീസ് അറിയിച്ചു
Helicopter crash US
യുഎസിലെ ന്യൂയോര്ക്ക് നഗരത്തിലെ ഹഡ്സണ് നദിയില് ഹെലികോപ്റ്റര് തകര്ന്നുവീണ് ആറ് മരണം. മരിച്ചവരില് മൂന്ന് പേര് കുട്ടികളാണ്.
അപകടത്തില് കൊല്ലപ്പെട്ടവരെ ഇതുവരെ തിരിച്ചറിഞ്ഞിട്ടില്ലെങ്കിലും സ്പെയിനിലെ സീമെന്സിന്റെ പ്രസിഡന്റും സിഇഒയുമായ അഗസ്റ്റിന് എസ്കോബാറും അദ്ദേഹത്തിന്റെ കുടുംബവും ഹെലികോപ്റ്ററില് ഉണ്ടായിരുന്നുവെന്നാണ് ന്യൂയോര്ക്ക് പോസ്റ്റ് റിപ്പോര്ട്ട് ചെയ്യുന്നത്. ഇവര് സഞ്ചരിച്ചിരുന്ന ടൂറിസ്റ്റ് ഹെലികോപ്റ്ററാണ് തകര്ന്നുവീണത്.
ന്യൂയോര്ക്ക് ഹെലികോപ്റ്റര് ടൂര്സ് പ്രവര്ത്തിപ്പിക്കുന്ന ബെല് 206 വിഭാഗത്തില്പ്പെട്ട ഹെലികോപ്റ്ററാണ് അപകടത്തില്പ്പെട്ടതെന്ന് പൊലീസ് അറിയിച്ചു. ഹെലികോപ്റ്റര് ആകാശത്തുവെച്ച് തകര്ന്നുവീഴുകയായിരുന്നെന്ന് ദൃക്സാക്ഷികള് പറയുന്നു.
ആറ് മൃതദേഹങ്ങളും പുറത്തെടുത്തതായി ന്യൂയോര്ക്ക് മേയര് എറിക് ആഡംസ് അറിയിച്ചു. ഹഡ്സണ് നദിയില് നടന്നത് ഭയാനകമായ ഹെലികോപ്റ്റര് അപകടമാണെന്നും മരിച്ചവരില് പൈലറ്റ്, രണ്ടു മുതിര്ന്നവര്, മൂന്നു കുട്ടികള് എന്നിങ്ങനെ ആറു പേരുണ്ടെന്നും യുഎസ് പ്രസിഡന്റ് ഡൊണാള്ഡ് ട്രംപ് പറഞ്ഞു. മരിച്ചവരെ കുറിച്ചുള്ള ഔദ്യോഗിക സ്ഥിരീകരണം ഉടനുണ്ടാകും.
