Rijisha M.|
Last Modified ബുധന്‍, 7 നവം‌ബര്‍ 2018 (08:57 IST)
ഒട്ടുമിക്ക ആരോഗ്യപ്രശ്‌നങ്ങൾക്കും ഉള്ള പ്രതിവിധിയാണ് പിസ്ത. ആരോഗ്യത്തെ സംരക്ഷിക്കാൻ മാത്രമല്ല ചർമ്മത്തേയും മുടിയേയും വരെ സംരക്ഷിക്കാൻ പാകത്തിനുള്ള ഗുണങ്ങൾ ഈ കുഞ്ഞാൻ പിസ്‌തയ്‌ക്കുണ്ട്. ഈ ഗുണങ്ങൾ ഒക്കെ എൺഗനെയെന്നല്ലേ.. പറയാം...
കാത്സ്യം, അയേൺ, സിങ്ക് എന്നിവ കൂടാതെ വൈറ്റമിന്‍ എ, ബി 6, വൈറ്റമിന്‍ കെ, സി, ഇ തുടങ്ങിയ ജീവകങ്ങളും ബീറ്റാ കരോട്ടിന്‍, ഫൈബര്‍, ഫോസ്ഫറസ്, പ്രോട്ടീന്‍, ഫോളേറ്റ്, തയാമിന്‍ തുടങ്ങിയ ഘടകങ്ങളും ഇതിലുണ്ട്. ഇതിൽ അടങ്ങിയിരിക്കുന്ന വിറ്റാമിൻ ബി രക്തത്തിലെ ഹീമോഗ്ലോബിന്റെ അളവ് കൂട്ടാന്‍ സഹായിക്കും.
ആര്‍ജിനൈന്‍, വൈറ്റമിന്‍ ഇ എന്നിവ ഹൃദയാരോഗ്യത്തിന് ഗുണകരമാണ്. ചീത്ത കൊളസ്‌ട്രോള്‍ കുറയ്ക്കാന്‍ ഏറ്റവും നല്ലതാണ് പിസ്ത. ഫോസ്ഫറസ് പ്രോട്ടീനുകളെ അമിനോ ആസിഡുകളാക്കി മാറ്റി ഗ്ലൂക്കോസിന്റെ അളവ് നിലനിര്‍ത്തും. ചര്‍മ്മത്തിന്റെ ആരോഗ്യം സംരക്ഷിച്ച്‌ യുവത്വം നിലനിര്‍ത്താനും ഏറെ നല്ലതാണ് പിസ്ത.
