ജിമ്മിലെ വ്യായാമത്തിനിടയില്‍ 27കാരന് കാഴ്ച നഷ്ടപ്പെട്ടു: അപൂര്‍വ പരിക്കിന് പിന്നിലെ കാരണം ഡോക്ടര്‍ വിശദീകരിച്ചു
ഭാരോദ്വഹനം നടത്തിയതിന് തൊട്ടുപിന്നാലെ പെട്ടെന്ന് കാഴ്ച നഷ്ടപ്പെട്ടതിനെത്തുടര്‍ന്ന് 27 വയസ്സുള്ളയുവാവിനെ ആശുപത്രിയില്‍ പ്രവേശിപ്പിച്ചു.
ഭാരോദ്വഹനം നടത്തിയതിന് തൊട്ടുപിന്നാലെ പെട്ടെന്ന് കാഴ്ച നഷ്ടപ്പെട്ടതിനെത്തുടര്‍ന്ന് 27 വയസ്സുള്ളയുവാവിനെ ആശുപത്രിയില്‍ പ്രവേശിപ്പിച്ചു. ഡല്‍ഹിയിലെ എയിംസില്‍ പരിശീലനം നേടിയ നേത്രരോഗ വിദഗ്ദ്ധനായ ഡോ. ആശിഷ് മാര്‍ക്കാണ് സോഷ്യല്‍ മീഡിയയിലൂടെ ഈ വിവരം പങ്കുവച്ചത്. യുവാവ് ആരോഗ്യവാനായിരുന്നുവെന്നും കണ്ണുമായി ബന്ധപ്പെട്ട മുന്‍ രോഗങ്ങളൊന്നും ഇല്ലെന്നും അദ്ദേഹം പറഞ്ഞു.
ജിമ്മില്‍ ഡെഡ്ലിഫ്റ്റിനിടെ ഉടന്‍ തന്നെ കാഴ്ച പ്രശ്‌നങ്ങള്‍ ആരംഭിച്ചു എന്ന് ഡോക്ടര്‍ മാര്‍ക്കന്‍ പറഞ്ഞു. വലതു കണ്ണില്‍ ഒരു മങ്ങല്‍ ഉണ്ടാകുകയായിരുന്നു. അതേസമയം ഇടത് കണ്ണ് പൂര്‍ണ്ണമായും സാധാരണ നിലയിലായിരുന്നു. വിരലുകള്‍ മാത്രം എണ്ണാന്‍ മാത്രം കഴിയുന്ന തരത്തിലേക്ക് യുവാവിന്റെ കാഴ്ച മങ്ങി. വേദനയുടെ അഭാവം അവസ്ഥയെ കൂടുതല്‍ ആശയക്കുഴപ്പത്തിലാക്കുകയും ആശങ്കാജനകമാക്കുകയും ചെയ്തു.
വിശദമായ അന്വേഷണത്തില്‍ യുവാവിന് സംഭവിച്ചത് വല്‍സാല്‍വ റെറ്റിനോപ്പതിയാണെന്ന് കണ്ടെത്തി. വല്‍സാല്‍വ റെറ്റിനോപ്പതി എന്നത് റെറ്റിനയിലെ രക്തസ്രാവമാണ്. ഇത് റെറ്റിനയിലെ കാപ്പിലറികള്‍ പൊട്ടി കണ്ണില്‍ രക്തസ്രാവമുണ്ടാക്കുന്നു. ചുമ, ലിഫ്റ്റിംഗ് അല്ലെങ്കില്‍ ആയാസകരമായ മര്‍ദ്ദത്തില്‍ ഇത് സംഭവിക്കാം. ഇത് പെട്ടെന്നുള്ളതും വേദനയില്ലാത്തതുമായ കാഴ്ച നഷ്ടപ്പെടുന്നതിലേക്ക് നയിക്കുന്നു. സാധാരണയായി ഇത് സ്വയം പരിഹരിക്കപ്പെടും. പക്ഷേ ചിലപ്പോള്‍ ഗുരുതരമാണെങ്കില്‍ ലേസര്‍ അല്ലെങ്കില്‍ ശസ്ത്രക്രിയ ആവശ്യമായി വരും. ഭാരോദ്വഹനം, ഛര്‍ദ്ദി, അല്ലെങ്കില്‍ ലൈംഗിക പ്രവര്‍ത്തനങ്ങള്‍ പോലുള്ള പ്രവര്‍ത്തനങ്ങള്‍ക്ക് ശേഷം ആരോഗ്യവാന്മാരില്‍ പോലും ഇത് സാധാരണമാണ്.
