1. കായികം
  2. മറ്റു കളികള്‍
  3. ഫുട്ബാള്‍
  4. Inter Milan vs PSG UEFA Champions league final , PSG wins maiden title

Inter Milan vs PSG: മെസ്സിയും എംബാപ്പെയും നെയ്മറും വിചാരിച്ച് നടന്നില്ല, എന്നാല്‍ ലുച്ചോയും പിള്ളേരും നേടിയെടുത്തു, ഇന്ററിനെ തകര്‍ത്ത് ആദ്യ ചാമ്പ്യന്‍സ് ലീഗ് ട്രോഫിയില്‍ മുത്തമിട്ട് പി എസ് ജി

Inter Milan vs PSG ,PSG Champions Trophy, Luis Enrique, PSG Major win, Usman Dembele, ഉസ്മാൻ ഡെംബലെ, ഇൻ്റർ മിലാൻ- പിഎസ്ജി, ചാമ്പ്യൻസ് ട്രോഫി, ലൂയിസ് എൻറികെ, പിഎസ്ജി ചാമ്പ്യൻസ്
PSG wins maiden title
യുവേഫ ചാമ്പ്യന്‍സ് ലീഗില്‍ തങ്ങളുടെ ആദ്യ കിരീടം സ്വന്തമാക്കി ഫ്രഞ്ച് വമ്പന്മാരായ പിഎസ്ജി. നാലാം ചാമ്പ്യന്‍സ് ലീഗ് ട്രോഫി ലക്ഷ്യമിട്ടെത്തിയ ഇറ്റാലിയന്‍ ക്ലബായ ഇന്റര്‍മിലാനെ ഫൈനലില്‍ മറുപടിയില്ലാത്ത 5 ഗോളുകള്‍ക്ക് തകര്‍ത്താണ് പിഎസ്ജിയുടെ കിരീടനേട്ടം. ലീഗ് ചരിത്രത്തില്‍ ക്ലബിന്റെ ആദ്യ കിരീട നേട്ടമാണിത്.
 
 നേരത്തെ ചാമ്പ്യന്‍സ് ലീഗ് സ്വന്തമാക്കാനായി നെയ്മര്‍ ജൂനിയര്‍,ലയണല്‍ മെസ്സി, കിലിയന്‍ എംബാപ്പെ എന്നിവരെ ഫ്രഞ്ച് ടീം പാളയത്തിലെത്തിച്ചിരുന്നെങ്കിലും സൂപ്പര്‍ താരങ്ങള്‍ക്കൊന്നും തന്നെ കിരീടത്തിലേക്ക് ടീമിനെ അടുപ്പിക്കാന്‍ സാധിച്ചിരുന്നില്ല. പരിശീലക സ്ഥാനത്തേക്ക് ലൂയിസ് എന്റികെ കടന്നുവന്നതിന് പിന്നാലെയാണ് യുവതാരങ്ങളെ റാകി മിനുക്കി പി എസ് ജി ആക്രമണത്തെ മൂര്‍ച്ചയുള്ളതാക്കി മാറ്റിയത്. മധ്യനിരയില്‍ വിറ്റീഞ്ഞയും ഫാബിയാന്‍ റൂയിസും ആക്രമണ നിരയില്‍ ഡെംബലെയും ഡിസൈര്‍ ഡൗവും ചേര്‍ന്ന പിഎസ്ജി ശക്തമായ ആക്രമണനിരയുള്ള ടീമായി മാറി.
 
 തുടക്കം മുതല്‍ തന്നെ ആക്രമിച്ചു കളിക്കുക എന്ന നയമാണ് ഫൈനലിലും ടീം പിന്തുടര്‍ന്നത്. 12മത്തെ മിനിറ്റില്‍ അഷ്‌റഫ് ഹക്കിമിയിലൂടെ ആദ്യ ഗോള്‍ നേടിയ പി എസ് ജി ഇരുപതാം മിനുറ്റില്‍ ഡിസൈര്‍ ഡൗവിലൂടെ ലീഡ് ഉയര്‍ത്തി. ചാമ്പ്യന്‍സ് ട്രോഫി ഫൈനലില്‍ ഗോളും അസിസ്റ്റും നേടുന്ന പ്രായം കുറഞ്ഞ താരമെന്ന നേട്ടം ഗോളിലൂടെ ഡൗ സ്വന്തമാക്കി. പിന്നീട് 63മത്തെ മിനിറ്റിലും ഗോള്‍ നേടാന്‍ താരത്തിനായി. 73മത്തെ മിനുറ്റില്‍ ക്വിച്ച ഖ്വരസ്‌കേലിയയിലൂടെ പിഎസ്ജി നാലാം ഗോള്‍ നേടി. 2 മിനിയുകള്‍ക്കപ്പുറം സെന്നി മയുലുവും ലക്ഷ്യം കണ്ടതോടെയാണ് അഞ്ച് ഗോളുകളുടെ ഏകപക്ഷീയമായ വിജയം പിഎസ്ജി സ്വന്തമാക്കിയത്. 
 
2011ല്‍ ഖത്തര്‍ സ്‌പോര്‍ട്‌സ് ഇന്വെസ്റ്റ്‌മെന്റ് ക്ലബിനെ സ്വന്തമാക്കിയ ശേഷമുള്ള ഏറ്റവും പ്രധാനപ്പെട്ട വിജയമാണിത്. ലയണല്‍ മെസ്സി, നെയ്മര്‍ ജൂനിയര്‍, കിലിയന്‍ എംബാപ്പെ എന്നിവര്‍ ഒരുമിച്ച് കളിച്ചിട്ടും സ്വന്തമാക്കാനാവാതെ പോയ കിരീട നേട്ടമാണ് ലൂയി എന്റിക്കെയുടെ കീഴില്‍ യുവതാരങ്ങള്‍ സ്വന്തമാക്കിയിരിക്കുന്നത്.
 
അടുത്ത ലേഖനം
Shubman Gill vs Hardik Pandya: 'ഇന്റര്‍നെറ്റില്‍ കാണുന്നതെല്ലാം വിശ്വസിക്കരുത്'; ഹാര്‍ദിക്കിനൊപ്പമുള്ള ചിത്രം പങ്കുവെച്ച് ഗില്‍