1. വിനോദം
  2. സിനിമ
  3. കാര്യം നിസ്സാരം
  4. Dhanush's Idly Kadai postponed, actor to direct Ajith Kumar

സംഭവിക്കില്ലെന്ന് കരുതിയത് സംഭവിക്കുന്നു! അജിത്തിനെ നായകനാക്കി ധനുഷ് ചിത്രം വരുന്നു...

Dhanush
സംവിധായക കുപ്പായം തനിക്ക് ഇണങ്ങുമെന്ന് തെളിയിച്ച ധനുഷിന്റെ അടുത്ത സംവിധാന സംരംഭത്തിൽ അജിത്ത് നായകനാകുമെന്ന് റിപ്പോർട്ട്.‘ഇഡ്‌ലി കടൈ’ എന്ന ചിത്രത്തിന് ശേഷം ധനുഷിന്റെ സംവിധാനത്തില്‍ എത്തുന്ന ചിത്രം താരത്തിന്റെ നിര്‍മ്മാണ കമ്പനിയായ വണ്ടര്‍ബാര്‍ പിക്ചേഴ്സ് തന്നെയാണ് നിര്‍മ്മിക്കുന്നത്. അനിരുദ്ധ് ആകും ചിത്രത്തിന് സംഗീതം ഒരുക്കുക എന്നുള്ള റിപ്പോര്‍ട്ടുകളാണ് എത്തിക്കൊണ്ടിരിക്കുന്നത്.
 
അതേസമയം, ഇഡ്‌ലി കടൈയുടെ റിലീസ് നീട്ടി വച്ചിരിക്കുകയാണ്. നേരത്തെ ഫെബ്രുവരി 6ന് ആയിരുന്നു ചിത്രത്തിന്റെ റിലീസ് പ്രഖ്യാപിച്ചിരുന്നത്. അജിത്ത് നായകനായ ‘ഗുഡ് ബാഡ് അഗ്ലി’യുമായി ക്ലാഷ് ഉണ്ടാവാതിരിക്കാന്‍ ചിത്രം മാറ്റി വയ്ക്കുകയായിരുന്നു. എന്നാല്‍ ഗുഡ് ബാഡ് അഗ്ലി തിയേറ്ററില്‍ ഫ്‌ളോപ്പ് ആയിരുന്നു. ഏപ്രില്‍ 10ന് വീണ്ടും റിലീസ് തിയതി പ്രഖ്യാപിച്ചെങ്കിലും ചിത്രം വീണ്ടും നീട്ടി വച്ചതായാണ് റിപ്പോര്‍ട്ടുകള്‍. 
 
ധനുഷിന്റെ സംവിധാനത്തില്‍ ഒരുങ്ങിയ ‘നിലാവുക്ക് എന്‍മേല്‍ എന്നടി കോപം’ തിയേറ്ററില്‍ വന്‍ പരാജയമായി മാറിയതിനാലാണ് റിലീസ് നീട്ടിയത് എന്നും റിപ്പോര്‍ട്ടുകളുണ്ട്. നടന്റെ സംവിധാനത്തില്‍ ഒരുങ്ങിയ മൂന്നാമത്തെ ചിത്രമാണ് നിലാവുക്ക് എന്‍മേല്‍ എന്നടി കോപം. ഈ സിനിമയും തിയേറ്ററിൽ ഫ്ലോപ്പ് ആയിരുന്നു. 
 
അടുത്ത ലേഖനം
ഡിസ്കഷന്റെ പേരിൽ ബെഡ്റൂമിലേക്ക് വിളിച്ച് വരുത്തി ലൈംഗികമായി പീഡിപ്പിച്ചു; മലയാള സംവിധായകനെതിരെ മണിച്ചിത്രത്താഴിലെ അല്ലി