ഒന്നും മറക്കുന്നയാളല്ല, ഇനിയൊരിയ്ക്കലും ധോണിയ്ക്കെതിരെ കളിയ്ക്കാൻ ഇടവരാതിരിയ്ക്കട്ടെ, ബെൻ സ്റ്റോക്സിന്റെ പരാമാർശത്തിൽ ശ്രീശാന്തിന്റെ മറുപടി
കഴിഞ്ഞ ലോകകപ്പിൽ ഇംഗ്ലണ്ടിനെതിരെയുള്ള മത്സരത്തില് ഇന്ത്യ മനപ്പൂർവം തോറ്റുതന്നു എന്ന് ഇംഗ്ലണ്ട് സൂപ്പർ താരം ബെൻ സ്റ്റോക്സിന്റെ പരാമർശം വലിയ വിവാദമായി മാറിയിരുന്നു. പാകിസ്ഥാനെ പുറത്താക്കാൻ ഇന്ത്യ മനപ്പൂർവം തോറ്റു എന്നായിരുന്നു പരോക്ഷമായി ബെൻ സ്റ്റോക്സ് പറഞ്ഞത്. കളി ജയിപ്പിയ്ക്കാനുള്ള എല്ലാ സാഹചര്യങ്ങളും ഉണ്ടായിട്ടും ധോണി അതിന് ശ്രമിച്ചില്ല എന്നായിരുന്നു പ്രധാന വിമർശനം. ബെൻ സ്റ്റോക്സിന്റെ ഈ പരാമർശത്തിന് മറുപടിയുമായി എത്തിയിരിയ്ക്കുകയാണ് ശ്രീശാന്ത്.
ഇനിയൊരിയ്ക്കലും ധോണിക്കെതിരെ ബെൻ സ്റ്റോക്സ് കളിയ്ക്കാതിരിയ്ക്കട്ടെ എന്നും അങ്ങനെ ഒരു സാഹചര്യം ഉണ്ടായാൽ ഗ്രൗണ്ടിൽ കനത്ത പ്രഹരം സ്റ്റോക്സ് നേരിടേണ്ടിവരുമെന്നുമാണ് ശ്രീശാന്തിന്റെ മുന്നറിയിപ്പ്. ഇൻസ്റ്റഗ്രാം ലൈവിലാണ് ശ്രീശാന്തിന്റെ മറുപടി. സ്റ്റോക്സ് ഇനി ധോണിക്കെതിരേ കളിക്കാന് ഇടവരരുതേയെന്നാണ് താന് ആഗ്രഹിക്കുകയും പ്രാര്ഥിക്കുകയും ചെയ്യുന്നത്. കാരണം ഇങ്ങനെയുള്ള കാര്യങ്ങള് അത്ര എളുപ്പത്തില് മറക്കുന്നയാളല്ല ധോണി.
സ്റ്റോക്സിന് എല്ലാ ആശംസകളും നേരുകയാണ്. ഐപിഎല്ലിലോ, ഭാവിയില് ഇന്ത്യ-ഇംഗ്ലണ്ട് മല്സരത്തിലോ അദ്ദേഹം ധോണിക്കെതിരേ കളിക്കാന് ഇട വരാതിരിക്കട്ടെ. നേര്ക്കുനേര് വരികയാണെങ്കില് സ്റ്റോക്സിനെതിരേ ഗ്രൗണ്ടിന്റെ എല്ലാ കോണിലേക്കും ഷോട്ടുകള് പായിച്ച് ധോണി റണ്സ് വാരിക്കൂട്ടും. അത് ഒരുപക്ഷെ അദ്ദേഹത്തിന്റെ കരിയര് തന്നെ അവസാനിപ്പിക്കാനിടയുണ്ട്. സ്റ്റോക്സ് ലോകത്തിലെ മികച്ച ഓള്റൗണ്ടര്മാരില് ഒരാളായിരിക്കാം. പക്ഷെ ധോണിയെ ഔട്ടാക്കാന് അദ്ദേഹത്തനു സാധിക്കില്ല. ശ്രീശാന്ത് പറഞ്ഞു.
