Rishabh Pant: പരിശീലനത്തിനിടെ കൂറ്റന് സിക്സ്; ലോര്ഡ്സിലെ മേല്ക്കൂര തകര്ത്ത് പന്ത് (വീഡിയോ)
കേള്ക്കുമ്പോള് തമാശയായി തോന്നുമെങ്കിലും റിഷഭ് പന്തിന്റെ കൂറ്റന് സിക്സില് ലോര്ഡ്സിലെ മേല്ക്കൂര തകര്ന്ന ദൃശ്യങ്ങള് പുറത്തുവന്നിട്ടുണ്ട്
Rishabh Pant
Rishabh Pant: ഇംഗ്ലണ്ടിനെതിരായ ടെസ്റ്റ് പരമ്പരയ്ക്കു മുന്നോടിയായി ഇന്ത്യന് ടീം ലോര്ഡ്സില് പരിശീലനം നടത്തുകയാണ്. നായകന് ശുഭ്മാന് ഗില്, ഉപനായകന് റിഷഭ് പന്ത് തുടങ്ങിയവരെല്ലാം ഇന്നലെയും ഇന്നുമായി ബാറ്റിങ് പരിശീലനം നടത്തുന്നുണ്ട്. ഇതിനിടയിലാണ് റിഷഭ് പന്ത് ലോര്ഡ്സിലെ മേല്ക്കൂര തകര്ത്തത് !
കേള്ക്കുമ്പോള് തമാശയായി തോന്നുമെങ്കിലും റിഷഭ് പന്തിന്റെ കൂറ്റന് സിക്സില് ലോര്ഡ്സിലെ മേല്ക്കൂര തകര്ന്ന ദൃശ്യങ്ങള് പുറത്തുവന്നിട്ടുണ്ട്. പരിശീലനത്തിനിടെ വാഷിങ്ടണ് സുന്ദര് എറിഞ്ഞ പന്താണ് ഇന്ത്യന് ഉപനായകന് അതിര്ത്തി കടത്തിയത്. ബോള് ചെന്നുവീണത് ലോര്ഡ്സിലെ മേല്ക്കൂരയിലും !
ഇന്ത്യ-ഇംഗ്ലണ്ട് ടെസ്റ്റ് പരമ്പരയ്ക്കു ജൂണ് 20 നു തുടക്കമാകും. അഞ്ച് മത്സരങ്ങളാണ് ടെസ്റ്റ് പരമ്പരയില് ഉള്ളത്. ഒന്നര മാസത്തോളം നീണ്ടുനില്ക്കുന്ന ടെസ്റ്റ് പരമ്പര ഓഗസ്റ്റ് നാലിനു അവസാനിക്കും.
മത്സരക്രമംRishabh Pant's destructive batting has arrived in the UK pic.twitter.com/AERl4DrXcv
— ESPNcricinfo (@ESPNcricinfo) June 9, 2025
ഒന്നാം ടെസ്റ്റ് - ജൂണ് 20 മുതല് 24 വരെ - ലീഡ്സിലെ ഹെഡിങ്ലിയില്
രണ്ടാം ടെസ്റ്റ് - ജൂലൈ രണ്ട് മുതല് ആറ് വരെ - ബിര്മിങ്ങാമിലെ എഡ്ജ്ബാസ്റ്റണില്
മൂന്നാം ടെസ്റ്റ് - ജൂലൈ പത്ത് മുതല് 14 വരെ - ലണ്ടനിലെ ലോര്ഡ്സില്
നാലാം ടെസ്റ്റ് - ജൂലൈ 23 മുതല് 27 വരെ - മാഞ്ചസ്റ്ററിലെ ഓള്ഡ് ട്രഫോര്ഡില്
അഞ്ചാം ടെസ്റ്റ് - ജൂലൈ 31 മുതല് ഓഗസ്റ്റ് നാല് വരെ - ലണ്ടനിലെ കെന്നിങ്ടണ് ഓവലില്
എല്ലാ മത്സരങ്ങളും ഇന്ത്യന് സമയം ഉച്ചകഴിഞ്ഞ് 3.30 നു ആരംഭിക്കും.
