അനുബന്ധ വാര്ത്തകള്
- സഞ്ജുവിന്റെ രാജസ്ഥാന് ഇന്ന് രണ്ടാം അങ്കം; എതിരാളികള് പഞ്ചാബ്
- ഐപിഎല്ലിൽ അയ്യായിരം റൺസ് നേടുന്ന അഞ്ചാമത്തെ ഇന്ത്യൻ താരം, ചരിത്രനേട്ടം സ്വന്തമാക്കി ധോനി
- ബാറ്റിംഗിനിറങ്ങിയത് 3 പന്തുകൾ മാത്രം, പ്രായം 41!, ആരാധകർ ഏറ്റവും കാത്തിരിക്കുന്നത് ധോനിയുടെ ബാറ്റിംഗ് കാണാനെന്ന് കണക്കുകൾ
- സഞ്ജു ഇന്ത്യയ്ക്കായി അധികം മത്സരങ്ങൾ കളിക്കാത്തതിൽ അത്ഭുതം തോന്നുന്നു: ഓയിൻ മോർഗൻ
- ലോകകപ്പ് കൈവിട്ടാൽ പല താരങ്ങളെയും ഇന്ത്യൻ ടീമിൽ കാണാനാവില്ല: മുന്നറിയിപ്പുമായി ഗവാസ്കർ
പഞ്ചാബ് വെല്ലുവിളിയാകില്ല, രാജസ്ഥാനെ തുണച്ച് കണക്കുകൾ
ഐപിഎൽ പതിനാറാം സീസണിലെ തങ്ങളുടെ രണ്ടാം മത്സരത്തിൽ രാജസ്ഥാൻ റോയൽസ് ഇന്ന് പഞ്ചാബ് സൂപ്പർ കിംഗ്സുമായി ഏറ്റുമുട്ടും. ഗുവാഹത്തിയിലെ ബർസാപാര സ്റ്റേഡിയത്തിൽ വൈകീട്ട് 7:30നാണ് മത്സരം. മുൻനിരയുടെ തകർപ്പൻ ഫോമിലും ട്രെൻഡ് ബോൾട്ട്, ചഹൽ ബൗളിംഗ് സഖ്യത്തിലുമാണ് രാജസ്ഥാൻ്റെ പ്രതീക്ഷ.
മുൻ പോരാട്ടങ്ങൾ പരിഗണിച്ചാൽ ഇതുവരെ മുഖാമുഖം വന്ന 24 മത്സരങ്ങളിൽ 14 എണ്ണത്തിലും രാജസ്ഥാനായിരുന്നു വിജയം എന്നത് സഞ്ജുവിൻ്റെ ടീമിന് മുൻതൂക്കം നൽകുന്നുണ്ട്. യശസ്വി ജയ്സ്വാൾ,സഞ്ജു സാംസൺ,ജോസ് ബട്ട്ലർ എന്നിവരടങ്ങുന്ന രാജസ്ഥാൻ മുൻനിര അപകടകാരികളാണ്. ബൗളിംഗിൽ ചാഹൽ തിളങ്ങുന്നതും രാജസ്ഥാന് കരുത്ത് നൽകുന്നു.
അതേസമയം തങ്ങളുടെ ആദ്യ മത്സരത്തിൽ വിജയിച്ചുകൊണ്ടാണ് പഞ്ചാബും ഇന്ന് ഇറങ്ങുന്നത്. ഇന്ത്യൻ മുൻ ഓപ്പണർ ശിഖർ ധവാൻ,ഭാനുക രജപക്സെ,ആർഷദീപ് സിംഗ് എന്നീ താരങ്ങളിലാണ് പഞ്ചാബിൻ്റെ പ്രതീക്ഷകൾ.
