ഒടുവില് ആ നാണക്കേടിന്റെ റെക്കോര്ഡ് കോലിയുടെ പേരില്; നിരാശപ്പെട്ട് ടീം ഇന്ത്യ
ലോകകപ്പ് ചരിത്രത്തില് പാക്കിസ്ഥാനോട് തോല്ക്കുന്ന ആദ്യ ഇന്ത്യന് നായകനായി വിരാട് കോലി. ഏകദിന, ടി 20 ലോകകപ്പ് മത്സരങ്ങളില് 12 കളികളില് ഇരുവരും ഏറ്റുമുട്ടിയപ്പോള് എല്ലാ മത്സരങ്ങളിലും വിജയം ഇന്ത്യക്കൊപ്പമായിരുന്നു. എന്നാല്, 13-ാം പോരാട്ടത്തില് ഇന്ത്യക്ക് അടിതെറ്റി. പത്ത് വിക്കറ്റിന്റെ ത്രസിപ്പിക്കുന്ന ജയം പാക്കിസ്ഥാന് സ്വന്തമാക്കി. ഇങ്ങനെയൊരു തോല്വി വഴങ്ങുന്ന ആദ്യ നായകനെന്ന നാണക്കേട് കോലിയുടെ പേരിലും.
യുഎഇയില് നടക്കുന്ന ടി 20 ലോകകപ്പിലാണ് ഇന്ത്യ പാക്കിസ്ഥാനോട് തോല്വി വഴങ്ങിയത്. സൂപ്പര് 12 പോരാട്ടത്തിലാണ് ഇന്ത്യയെ പാക്കിസ്ഥാന് തോല്പ്പിച്ചത്. ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യ ഉയര്ത്തിയ 152 റണ്സ് വിജയലക്ഷ്യം വിക്കറ്റൊന്നും നഷ്ടപ്പെടാതെ 17.5 ഓവറില് പാക്കിസ്ഥാന് മറികടന്നു.
സ്കോര് ബോര്ഡ്
ഇന്ത്യ : 20 ഓവറില് 151/ 7
പാക്കിസ്ഥാന് : 17.5 ഓവറില് 152/ 0
