1. കായികം
  2. ക്രിക്കറ്റ്‌
  3. ക്രിക്കറ്റ്‌ വാര്‍ത്ത
  4. India beats Afghanistan in 1st T20

India vs Afghanistan 1st T20: അഫ്ഗാന് ദുബെ പ്രഹരം, ആദ്യ ടി20 യില്‍ ഇന്ത്യക്ക് ആറ് വിക്കറ്റ് ജയം

40 പന്തില്‍ അഞ്ച് ഫോറും രണ്ട് സിക്‌സും സഹിതം 60 റണ്‍സ് നേടി പുറത്താകാതെ നിന്ന ശിവം ദുബെയാണ് കളിയിലെ താരം

India, Afghanistan, India vs Afghanistan, India vs Afghanistan T20 Series, Cricket News, Sports News, Webdunia Malayalam
India

India vs Afghanistan 1st T20: അഫ്ഗാനിസ്ഥാനെതിരായ ട്വന്റി 20 പരമ്പരയിലെ ആദ്യ മത്സരത്തില്‍ ഇന്ത്യക്ക് ആറ് വിക്കറ്റ് ജയം. ടോസ് നഷ്ടപ്പെട്ട് ആദ്യം ബാറ്റ് ചെയ്ത അഫ്ഗാനിസ്ഥാന്‍ നിശ്ചിത 20 ഓവറില്‍ അഞ്ച് വിക്കറ്റ് നഷ്ടത്തില്‍ 158 റണ്‍സ് നേടിയപ്പോള്‍ മറുപടി ബാറ്റിങ്ങില്‍ ഇന്ത്യ 17.3 ഓവറില്‍ നാല് വിക്കറ്റ് മാത്രം നഷ്ടപ്പെടുത്തി ലക്ഷ്യം കണ്ടു. മൂന്ന് മത്സരങ്ങളുടെ പരമ്പരയില്‍ ഇന്ത്യ 1-0 ത്തിനു മുന്നിലെത്തി. 
 
40 പന്തില്‍ അഞ്ച് ഫോറും രണ്ട് സിക്‌സും സഹിതം 60 റണ്‍സ് നേടി പുറത്താകാതെ നിന്ന ശിവം ദുബെയാണ് കളിയിലെ താരം. ജിതേഷ് ശര്‍മ 20 പന്തില്‍ 31 റണ്‍സും തിലക് വര്‍മ 22 പന്തില്‍ 26 റണ്‍സും ശുഭ്മാന്‍ ഗില്‍ 12 പന്തില്‍ 23 റണ്‍സും നേടി. റിങ്കു സിങ് ഒന്‍പത് പന്തില്‍ 16 റണ്‍സുമായി പുറത്താകാതെ നിന്നു. 
 
27 പന്തില്‍ രണ്ട് ഫോറും മൂന്ന് സിക്‌സും സഹിതം 42 റണ്‍സ് നേടിയ മുഹമ്മദ് നബിയാണ് അഫ്ഗാനിസ്ഥാന്റെ ടോപ് സ്‌കോറര്‍. ഇന്ത്യക്കായി മുകേഷ് കുമാര്‍, അക്ഷര്‍ പട്ടേല്‍ എന്നിവര്‍ രണ്ട് വീതം വിക്കറ്റുകള്‍ നേടി. 
 
 
അടുത്ത ലേഖനം
ഐപിഎൽ മാത്രം കണ്ടല്ലെ ഓവർ റേറ്റഡെന്ന് പറയുന്നത്, റിയാൻ പരാഗിനെ പിന്തുണച്ച് അശ്വിൻ