ഏപ്രിൽ മാസത്തെ ഐസിസി താരമാകാനുള്ള പട്ടികയിൽ ബാബർ അസമും ഫഖർ സമനും

Written By: അഭിറാം മനോഹർ

Updated: Wed, 5 May 2021 (16:05 IST)

ഐസിസിയുടെ ഏപ്രിൽ മാസത്തെ ഏറ്റവും മികച്ച താരത്തിനുള്ള പുരസ്‌കാരപട്ടികയിൽ പാക് നായകൻ ബാബർ അസമും പാക് ഓപ്പണർ ഫഖർ സമനും ഇടം നേടി. നേപ്പാൾ താരം കുശാൽ ഭുർടെൽ ആണ് പുരുഷ വിഭാ​ഗത്തിലെ മികച്ച മികച്ച താരത്തിനുള്ള പുരസ്‌കാരത്തിനായി മത്സരിക്കുന്നവരിൽ മൂന്നാമത്തെ താരം.

വനിതാ വിഭാ​ഗത്തിൽ ഓസ്ട്രേലിയൻ താരങ്ങളായ അലീസ ഹീലിയും മെ​ഗാൻ സ്കട്ടും, ന്യൂസിലൻഡിന്റെ ലി​ഗ് കാസ്പെറക്കും ഇടം നേടി. ദക്ഷിണാഫ്രിക്കക്കെതിരായ മികച്ച പ്രകടനമാണ് പാക് താരങ്ങൾക്ക് തുണയായത്. ഏകദിന ബാറ്റിം​ഗ് റാങ്കിം​ഗിൽ ഇന്ത്യൻ നായകൻ വിരാട് കോലിയെ പിന്തള്ളി ബാബർ അസം കഴിഞ്ഞ മാസം ഒന്നാം സ്ഥാനത്തെത്തിയിരുന്നു.

വനിതാ താരങ്ങളിൽ ന്യൂസിലൻഡിനെതിരായ ഏകദിന പരമ്പരയിലെ മികച്ച ബാറ്റിം​ഗാണ് അലീസ ഹീലിയെ പട്ടികയിൽ എത്തിച്ചത്.