India vs Sri lanka, Asian Games Semi-Final: 'ഇവർ മണ്ടൻമാർ ആണോ'; മൂന്ന് പേർ റൺഔട്ട്, അനായാസം ലങ്കയെ വീഴ്ത്തി, ഇന്ത്യ-പാക്കിസ്ഥാൻ ഫൈനൽ !
India - Asian Games
India vs Sri Lanka, Asian Games Semi-Final: ഏഷ്യൻ ഗെയിംസ് ക്രിക്കറ്റിൽ ഇന്ത്യ-പാക്കിസ്ഥാൻ ഫൈനൽ. സെമിയിൽ ശ്രീലങ്കയെ 124 റൺസിന് പരാജയപ്പെടുത്തിയാണ് ഇന്ത്യ ഫൈനലിൽ പ്രവേശിച്ചത്.
ശ്രീലങ്ക 45 ന് ഓൾഔട്ട്
ടോസ് നഷ്ടപ്പെട്ട് ആദ്യം ബാറ്റ് ചെയ്ത ഇന്ത്യ നിശ്ചിത 20 ഓവറിൽ 169 റൺസാണ് നേടിയത്. മറുപടി ബാറ്റിങ്ങിൽ ശ്രീലങ്ക 45 ന് ഓൾഔട്ടായി. ഇന്ത്യക്കായി ജസ്പ്രിത് ബുംറയാണ് വിക്കറ്റ് വേട്ടയ്ക്ക് തുടക്കമിട്ടത്. രണ്ട് ഓവറിൽ ഏഴ് റൺസ് മാത്രം വഴങ്ങിയാണ് ബുംറ രണ്ട് വിക്കറ്റ് വീഴ്ത്തിയത്. അക്സർ പട്ടേലിനും അഭിഷേക് ശർമയ്ക്കും രണ്ട് വീതം വിക്കറ്റുകൾ. വാഷിങ്ടൺ സുന്ദർ ഒരു വിക്കറ്റ് നേടി. മൂന്ന് ലങ്കൻ താരങ്ങൾ റൺഔട്ടായി.
ഇഷാൻ മിന്നിച്ചു
അഞ്ചാമനായി ക്രീസിലെത്തിയ ഇഷാൻ കിഷനാണ് ഇന്ത്യയുടെ ടോട്ടൽ സ്‌കോറിൽ പകുതിയും സ്‌കോർ ചെയ്തത്. 46 പന്തിൽ നാല് ഫോറും അഞ്ച് സിക്‌സും സഹിതം 80 റൺസുമായി ഇഷാൻ പുറത്താകാതെ നിന്നു. തുടരെ വിക്കറ്റുകൾ വീണ് ഇന്ത്യ സമ്മർദ്ദത്തിലായപ്പോഴും ഒരു വശത്ത് ഇഷാൻ ആത്മവിശ്വാസത്തോടെ നിലയുറപ്പിക്കുകയായിരുന്നു.
Ishan Kishan
