അഭിറാം മനോഹർ|
Last Modified ഞായര്‍, 7 ജൂലൈ 2024 (18:17 IST)
Indian women's team,Cricket
ഏഷ്യാകപ്പിനുള്ള ഇന്ത്യന്‍ വനിതാ ക്രിക്കറ്റ് ടീം പ്രഖ്യാപിച്ചു. നിലവില്‍ ദക്ഷിണാഫ്രിക്കക്കെതിരായ ടി20 പരമ്പര കളിക്കുന്ന മുഴുവന്‍ താരങ്ങളും ഏഷ്യാകപ്പിനുള്ള ഇന്ത്യന്‍ ടീമിലുണ്ട്. മലയാളി താരങ്ങളായ ആശ ശോഭന,സജന സജീവന്‍ എന്നിവരും ടീമില്‍ ഇടം നേടി. ഹര്‍മന്‍ പ്രീത് കൗര്‍ നയിക്കുന്ന ഇന്ത്യന്‍ ടീമില്‍ സ്മൃതി മന്ദാനയാണ് വൈസ് ക്യാപ്റ്റന്‍. ഏഷ്യാകപ്പിലെ നിലവിലെ ജേതാക്കളാണ് ഇന്ത്യ.
ശ്വേത സെഹ്‌റാവത്ത്,സൈക ഇഷാഖ്,തനൂജ കന്‍വാര്‍,മേഘ്‌ന സിംഗ് എന്നിവരാകും ടീമിലെ ട്രാവലിംഗ് റിസര്‍വുകള്‍. ഏഷ്യാകപ്പിലെ ഇന്ത്യയുടെ ആദ്യമത്സരം ജൂലൈ 19ന് പാകിസ്ഥാനെതിരെയാണ്. ഗ്രൂപ്പ് ഘട്ടത്തിലും യുഎഇയും നേപ്പാളുമാണ് ഇന്ത്യയുടെ മറ്റ് എതിരാളികള്‍.
ഇന്ത്യന്‍ ടീം: ഹര്‍മന്‍പ്രീത് കൗര്‍(ക്യാപ്റ്റന്‍),സ്മൃതി മന്ദാന(വൈസ് ക്യാപ്റ്റന്‍),ഷെഫാലി വര്‍മ,ദീപ്തി ശര്‍മ,ജമീമ റോഡ്രിഗസ്,റിച്ച ഘോഷ്(വിക്കറ്റ് കീപ്പര്‍),ഉമ ഛേത്രി(വിക്കറ്റ് കീപ്പര്‍),പൂജ വസ്ത്രാകര്‍,അരുന്ധതി റെഡ്ഡീ,രേണുക സിംഗ്,ഡി ഹേമലത,ആശാ ശോഭന,രാധാ യാധവ്,ശ്രേയങ്കാ പാട്ടീല്‍,സജന സജീവന്‍
